Ngeche 12:5 - MUMA MALER 2015

⁵ Joma kare pile timo ni jowadgi maber. Joricho to wuondo jowadgi awuonda.

Motingʼo Loko Manyien

⁵ Chenro mar ngʼat makare nikare, to puonj mar joricho en wuondruok.

Ngeche 12:5 ပူးပေါင်းရင်းမြစ်များ

Zaburi 119:15

Aparo chikeni matut, kendo arango yore midwaro mondo aluw.

Zaburi 139:23

Nona, A Nyasaye, mondo ing’e chunya. Ee, tema mondo ing’e parona.

Ngeche 11:23

Joma kare dwaro mana gik makelo gueth. Geno mar joricho to ok kony gimoro.

Ngeche 12:4

Dhako malong’o miyo chwore mor, to dhako ma kuodo wich chalo ni chwore mana gi tuo mar nyamuoda.

Ngeche 12:6

Weche joricho oting’o mana tho lilo. Weche joma kare to reso joma nie chandruok.

Ngeche 14:8

Rieko mar ng’at mariek, nyise yo makare monego oluw, to fup joma omemore, miyo gibayo yo.

Ngeche 24:9

Gimoro amora ma ng’at mofuwo chano timo en richo. Ji mon gi ng’at machayo jowetene.

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Jeremia 9:3

Lewni chalo gi atung’ moywa, kendo diro miriambo mana kaka atung’ diro asere, bende timbe miganga ema opong’o piny.” Ruoth Nyasaye owacho niya, “Joga timo richo kinde duto, kendo ok gidewa.

Jeremia 9:5

Giduto giwuondo osiepegi, kendo onge ng’ama wacho adiera. Gisepuonjo lewgi wacho miriambo, kendo gisedonjo matut e richo ma ok ginyal wuokie.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Mathayo 26:4

Ne gichano kaka digimak Yesu ling’ling’ mondo ginegi.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

2 Jo-Korintho 4:2

Wasekwedo timbe mag mudho kendo makuodo wich. Ok wawuoth gi miganga, bende ok wagaj Wach Nyasaye, to wawacho mana adiera e lela e nyim Nyasaye, kwanyiso wawegi ni wan kare, kendo wamiyo ji duto yie kodwa.