Ngeche 12:23 - MUMA MALER 2015

²³ Ng’at mariek ok hul riekone. Ng’at mofuwo to nyiso mana fupe.

Motingʼo Loko Manyien

²³ Ngʼat mariek orito ngʼeyone e iye, to chuny joma ofuwo wuoyo ma ok opimo.

Ngeche 12:23 ပူးပေါင်းရင်းမြစ်များ

Nehemia 2:12

Bang’e nakawo jomoko manok, mawuokgo gotieno, to ne ok anyiso ng’ato gima Nyasacha noseketo e chunya mondo atim ni Jerusalem. Ne waonge gi kanyna, mak mana mano mane aidho.

Nehemia 2:16

To jotelo ne ok ong’eyo kuma ne adhiye, kata gima natimo. Bende ne pok anyiso jo-Yahudi gi jodolo gi joka ruoth gi jotelo kod ji duto mane onego kony tich, gima adwaro timo.

Ngeche 10:14

Joma riek, yudo rieko duto ma ginyalo nwang’o. Ng’at mofuwo kawuoyo, to chandruok ema chiegni.

Ngeche 10:19

Ka iwuoyo mang’eny to ichiegni gi richo. Ng’at mariek to ling’ aling’a.

Ngeche 11:13

Ng’at ma jafuong’ wach ok hulne weche maling’ling’. Ng’at ma odimbore to kano wach e chunye.

Ngeche 13:16

Ng’at mariek, paro matut ka pok otimo gimoro. Ng’at mofuwo to nyiso mana fupe.

Ngeche 14:33

Rieko nie chuny ng’at ma weche donjone. Joma ofuwo to kia rieko.

Ngeche 15:2

Ka ng’at mariek wuoyo to wachne lombo ji. Ng’at mofuwo to rodho weche maonge tich.

Ngeche 18:2

Ng’at mofuwo ok dew kata ka owinjo gimoro, kata ka ok owinjo. Riekone kende ema odwaro nyiso.

Ngeche 29:11

Ng’at mofuwo, iye wang’ piyo, kendo mwomore amwoma. Ng’at mariek to geng’o mirimbe kendo hore mos.

Eklesiastes 10:3

Fupe nenore anena kata mana kowuotho e yo, omiyo ji duto ng’eyo ni en ng’at mofuwo.

1 Samuel 10:16

Saulo nodwoke niya, “Nonyisowa ratiro kenje oseyudi.” To wach bedo ruoth mane Samuel owachone, to ne ok onyise.