Ngeche 12:18 - MUMA MALER 2015

¹⁸ Weche mimwomruokgo chuoyo chuny mana ka ligangla. Weche mawuok e dho ng’ama kare to kelo ngima.

Motingʼo Loko Manyien

¹⁸ Weche mag muomruok chwoyo chuny mana kaka ligangla, to lew ngʼat mariek kelo ngima.

Ngeche 12:18 ပူးပေါင်းရင်းမြစ်များ

Zaburi 52:2

Ichano timbe ma idwaro hinyogo ji, kendo lewi mihangogo ji bith ka wembe.

Zaburi 57:4

Anindo e kind sibuoche ma dwaro chamo ji. Lekegi to chalo gi ligangla ma dhoge bith.

Zaburi 57:5

A Nyasaye, nyis tekoni gi e kor polo, kendo duong’ni maler bende mondo onenre e piny duto.

Zaburi 59:7

Winjie weche manono ma giwachogo! Lewgi bith ka ligangla, to eka pod giwacho niya, “Ere ng’ama biro winjowa?”

Zaburi 64:3

Gipiago lewgi mana ka ligangla, kendo gichielo weche mager mana ka asere.

Ngeche 12:17

Adiera kelo bura makare. Miriambo to kelo mana buch amwor.

Ngeche 13:17

Jaote ma kite rach kelo chandruok. Ng’at modimbore to kelo kue.

Ngeche 15:4

Weche mang’won kelo ngima. Weche maricho to nyoso chuny.

Ngeche 15:7

Lew ng’at mariek lando rieko. Ng’at mofuwo to wechene obam.

Ngeche 16:24

Weche mamuol chalo mana gi mor kich, ma mit kichamo, kendo kelo del maber.

Ngeche 25:18

Ng’at ma riambo kuom wadgi chalo mana gi arungu kata ligangla kata asere mabith.

Ngeche 4:22

nikech ng’ama winjo tiendgi to gichango kendo gimiyo ngima.

Daniel 11:33

Ji mariek nong’ad rieko ni ji mamoko mathoth. To kuom kinde matin jomoko kuomgi notho e lweny kendo nowang’ e mach. Moko bende noywag mwandugi, kendo noter e tuech.

Fweny 1:16

Ne en gi sulue abiriyo e lwete ma korachwich, kendo ligangla mabith ma dhoge abiriyo ne wuok e dhoge. Pat wang’e ne nenore ka wang’chieng’ mang’angni gi tekone duto.

Fweny 22:2

Ne omol e dier yor dalano, to e bath aora koni gi koni, ne nitie yath mar ngima manyago olembe kido apar gariyo. To olembego chiek due ka due, kendo pot yadhno ema ithiedhogo ogendini.