Ngeche 12:16 - MUMA MALER 2015

¹⁶ Ng’at mofuwo nyiso mirimbe piyopiyo. Ng’at mariek to mwonyo ayany.

Motingʼo Loko Manyien

¹⁶ Ngʼat mofuwo nyiso mirimbe mapiyo, to ngʼat mariek mwonyo ayany.

Ngeche 12:16 ပူးပေါင်းရင်းမြစ်များ

Ayub 5:2

Sadha nego ng’ama onge rieko, kendo mirima kelo tho ni ng’ama ofuwo.

Ngeche 10:12

Sigu kelo miero, hera to umo ketho duto.

Ngeche 12:17

Adiera kelo bura makare. Miriambo to kelo mana buch amwor.

Ngeche 14:33

Rieko nie chuny ng’at ma weche donjone. Joma ofuwo to kia rieko.

Ngeche 16:22

Rieko en soko mar ngima ni jooma ni kode, to fup joma ofuwo kelonigi mana chwat.

Ngeche 17:9

Ka idwaro ni mondo ji oheri, to ng’wonnigi ka gitimoni marach. Ka pile ilwero ng’ato kuom gimoro marach mosetimo, to osiep ema iketho.

Ngeche 25:28

Ng’at ma ok nyal pieyo mirimbe, chal mana gi dala ma onge gi ohinga, ma monjo yot.

Ngeche 27:3

Chandruok ma ng’at mofuwo kelo pek moloyo kidi kata kuoyo.

Ngeche 29:11

Ng’at mofuwo, iye wang’ piyo, kendo mwomore amwoma. Ng’at mariek to geng’o mirimbe kendo hore mos.

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.