Ngeche 12:10 - MUMA MALER 2015

¹⁰ Ng’at maber rito jambe gi ng’wono. Ng’at marach to sando jambe asanda.

Motingʼo Loko Manyien

¹⁰ Ngʼat makare chiwo kony ne gik ma jambe dwaro, to timbe mag ngʼwono mag ngʼat marach gin mana gero.

Ngeche 12:10 ပူးပေါင်းရင်းမြစ်များ

Ngeche 12:9

Ber bedo dhano adhana matiyo mana ni mondo oyud chiembe, moloyo timruok ng’ama duong’ maonge chiemo.

Isaya 36:17

nyaka chop abi mi agolu kendo ateru e piny machal gi pinyuni. En piny ma cham gi mzabibu chiekie maber, kendo ma makati gi divai ng’enyie.

Johana 4:11

Dhakono nowacho niya, “Jaduong’, ionge gi gir tuombo, to soko bende tut. Koro pi mangima to diyud kanye?

1 Jo-Korintho 9:9

Ondiki e Chik Musa ni, “Kik itue dho dhiang’ ka ywayo lodi madiemo cham.” To uparo ni Nyasaye wuoyo kuom dhok adier?

Rapar mar Chik 25:4

“Kik itue dho dhiang’ ka ywayo lodi madiemo cham.

1 Johana 3:17

Ka ng’ato man gi mwandu oneno wadgi moro ka onge gi gima dokonyrego, to otamore konye, koro ere kaka hera mar Nyasaye nyalo siko e chunye?

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.

1 Samuel 11:2

To Nahash ja-Amon nodwokogi niya, “Ok ayie timo kodu winjruok, mak mana ka agolo wengeu ma korachwich mondo akuodgo wi jo-Israel duto.”