Ngeche 11:7 - MUMA MALER 2015

⁷ Ka jaricho otho, to genone duto tho kode, kendo geno ma ogenogo mwandune ok kony gimoro.

Motingʼo Loko Manyien

⁷ Ka jaricho otho, to genone duto tho kode, gigo duto mane ogeno kuom tekone bedo nono.

Ngeche 11:7 ပူးပေါင်းရင်းမြစ်များ

Ayub 11:20

To joma timbegi richo norang koni gi koni, ka luoro omako, nikech onge yo moro ma ginyalo tonygo, to tho kende ema ginigen ni biro tiekogi.”

Zaburi 112:10

Joricho koneno kamano, to igi wang’. Ging’icho marach ka gikecho, bang’e gilal nono. Geno ma gin go orumo chuth.

Zaburi 146:4

nikech ka githo, to gidok e lowo, kendo chieng’ onogo gik moko duto mane gichano timo, orumo!

Ngeche 10:28

Geno mar joma kare kelo ngima. Joricho to ok gen gimoro.

Ngeche 10:29

Ruoth Nyasaye rito joma onge ketho, to otieko joma timo richo.

Ngeche 11:8

Ng’at makare resore e chandruok. Jaricho to nyumore e masira.

Ngeche 14:32

Timbe mamono mag joricho ema miyo orumo. Ng’at makare to yudo resruok kuom timne malong’o.

Ezekiel 28:9

To chieng’ ma gibiro mondo ginegino, bende pod niwach ni in nyasaye? Ooyo, ka gibiro iri, to nibed mana dhano matho, ma ok nyasaye!