Ngeche 11:29 - MUMA MALER 2015

²⁹ Ng’at ma miyo joodgi chandruok ok noyud gimoro kata matin, kendo pile ng’at mofuwo bedo misumba ng’at mariek.

Motingʼo Loko Manyien

²⁹ Ngʼatno makelo chandruok ni joge ok nonwangʼ gimoro, to ngʼat mofuwo nobed misumba ngʼat mariek.

Ngeche 11:29 ပူးပေါင်းရင်းမြစ်များ

Chakruok 34:30

Jakobo nowacho ni Simeon gi Lawi niya, “Usekelona chandruok, kendo usemiyo jo-Kanaan gi jo-Perizi ma weg pinyni mon koda. An mana gi ji manok kende, omiyo ka jo-pinyni oriwona, to ginyalo tieka kaachiel gi jooda duto.”

Ngeche 14:19

Joricho nokulre ni joma kare, kendo ginikuechi e dhoutgi.

Ngeche 15:27

Ng’at ma gombo bedo gi mwandu e yor miganga keto joode e chandruok, to ng’at modagi chamo asoya nodag aming’a.

Eklesiastes 5:16

Mano gima lit ahinya. Wadhi mana kaka ne wabiro. Ere gima wayudo kuom tich manono mwachandorego?

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.

1 Samuel 25:17

Emomiyo koro, par gima onego itim, nikech gima rach biro timore ni ruodhwa. To nimar ing’eyo ni en ng’at machach, kendo onge ng’ama nyalo wuoyo kode.”

1 Samuel 25:3

Nyinge ne Nabal, to nying chiege ne Abigail. Abigail ne en dhako man gi rieko maber, kendo man gi chia, to chwore ne koch, kendo timne richo. Ne en ja dhood kaleb.

1 Samuel 25:38

To bang’ ndalo apar, Ruoth Nyasaye nochwade, motho.