Ngeche 11:24 - MUMA MALER 2015

²⁴ Ng’ato nyalo bet ni pogo ni ji gige gi chuny maler, to pod mwandune medore ameda! Ng’at machielo to nyalo bedo ni kungo malich, to pod omedo mana bedo modhier.

Motingʼo Loko Manyien

²⁴ Ngʼato achiel miyo ji ma ok odewo, to bende pod mwandu medorene moloyo, to ngʼat machielo kungo mokadhore, to ochopo mana e chan.

Ngeche 11:24 ပူးပေါင်းရင်းမြစ်များ

2 Weche mag Ndalo 31:10

mi Azaria jadolo maduong’, ma jadhood Zadok, nodwoke niya, “Nyaka ne gichak kelo chiwo e Od Ruoth Nyasaye, wasechiemo mwayieng’, kendo chiemo mang’eny pod odong’, nimar Ruoth Nyasaye oseguedho joge. Mano emomiyo wadong’ gi chiemo mang’enygi.”

Zaburi 112:9

Opogo gige ni jochan gi chuny maler. Ngwonone osiko nyaka chieng’. Obiro bedo gi teko, kendo obiro yudo luor.

Ngeche 11:18

Ohala ma jaricho yudo ok konye, to ng’at makare yudoo pok man gi ohala.

Ngeche 11:23

Joma kare dwaro mana gik makelo gueth. Geno mar joricho to ok kony gimoro.

Ngeche 11:25

Bed mang’won, eka idhi nyime maber. Kony jowadu, eka gin bende gikonyi.

Ngeche 13:7

Ji moko kawore ka jomwandu, to chutho gionge gi gimoro. Ji moko to wuondore ni jochan, to adier, gin gi mwandu mathoth!

Ngeche 19:17

Ka imiyo jachan gimoro, to ichalo ng’at ma holo Ruoth Nyasaye, nikech Ruoth Nyasaye nodwoknigo.

Ngeche 28:27

Ng’at ma konyo jochan ok chand gimoro, to ng’at ma loko wang’e ok yud gimoro mak mana kuong’.

Ngeche 28:8

Ka iholo ji gik moko mondo odwokni gi ohala, to ohala miyudono nodog ni ng’at machielo makonyo jochan.

Eklesiastes 11:6

Onego ichwo kodhi okinyi godhiambo, nikech ok ing’eyo kata gibiro twi giduto.

Hagai 1:6

Usechuoyo mathoth, to ukayo matin, bende uchiemo to ok uyieng’. Umetho to ok romu, kendo urwakoru to koyo pod chamou achama. Jatich tiyo kendo chamo msara, to oketo pesane mana e mifuko motuch.

Malaki 3:8

Dhano bende nyalo mayo Nyasaye gire koso?’ To adwokou niya, ‘Umaya adier!’ To ka upenja niya, ere kaka umaya? To adwokou niya, ‘Usemaya kuom dagi miya chiwo mar achiel kuom apar kod mag misengni kaka chik dwaro.’

Luka 6:38

Chiwuru, eka un bende nomiu. Unuyud rapim mopong’ thich, moiki, kendo motiel moo oko, nimar rapim ma upimoe ema un bende nopimnue.”

Rapar mar Chik 15:10

Nyaka umigi gik ma gidwarogo mabup, kendo gi chuny maler. Kutimo kamano to Ruoth Nyasaye biro guedhou kuom gik moko duto mutimo.