Ngeche 11:20 - MUMA MALER 2015

²⁰ Ruoth Nyasaye mon gi joma timbegi obam, to ohero joma timo timbe makare.

Motingʼo Loko Manyien

²⁰ Jehova Nyasaye odagi jogo ma chunygi opongʼ gi richo, to omor gi jogo ma yoregi ler.

Ngeche 11:20 ပူးပေါင်းရင်းမြစ်များ

1 Weche mag Ndalo 29:17

A Nyasaye, ang’eyo ni inono chuny dhano, kendo adiera ema ihero. Asemiyi chiwogi duto gi mor kendo gi chuny makare, to koro amedo bedo gi ilo kaneno jogigi, bende ka goloni chiwo gi mor.

Zaburi 101:4

Ok nabed jamganga ngang’ bende kata mana paro timo richo ok napar.

Zaburi 11:7

Ruoth Nyasaye en ng’ama kare, kendo ohero timbe mabeyo. Jogo ma oluore nodag kode.

Zaburi 119:1

Joma onge ketho, kendo matimo kaka chik Ruoth Nyasaye dwaro, gin johawi!

Zaburi 140:13

Joma kare biro pako nyingi adier, kendo ginibed ka gilemo e nyimi.

Zaburi 51:6

To chuny man gi adiera ema idwaro, omiyo pong’ parona gi riekoni.

Ngeche 11:21

Bed king’eyo ni joricho noyud kum. Joma kare to notony.

Ngeche 12:22

Ruoth Nyasaye mon gi jomriambo, to omor gi joma wacho adiera.

Ngeche 13:6

Tim makare rito ng’at modimbore. Timbe maricho to tieko joricho.

Ngeche 14:9

Joma ofuwo ok dew kata ka gitimo richo. Joma beyo to dwaro ni mondo ong’wonnigi.

Ngeche 15:26

Ruoth Nyasaye mon gi paro maricho, to weche mang’won long’one.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 16:17

Yo ma joma beyo luwo bor gi richo, omiyo rang kama iluwo mondo ires ngimani.

Ngeche 21:29

Ng’at makare ong’eyo gima otimo. Jaricho to wuondore awuonda.

Ngeche 3:32

nimar Ruoth Nyasaye mon gi joricho, to ogeno joma kare.

Ngeche 6:14

Gichano mana timo richo, ka giwacho weche makelo miero.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Ngeche 9:7

Ka itemo rieyo ng’at ma jasunga, to in ema iyudo wichkuot, kendo ka ikwero ng’at marach, to in iwuon ema ihinyori.