Ngeche 11:17 - MUMA MALER 2015

¹⁷ Ng’at ma jang’wono kelo gueth ni en owuon. Ng’at makwiny to hinyore kende.

Motingʼo Loko Manyien

¹⁷ Ngʼat mangʼwon yudo ohala mana ne en owuon, to ngʼat makwiny kelo chandruok ni en owuon.

Ngeche 11:17 ပူးပေါင်းရင်းမြစ်များ

Ayub 20:16

Gima jaricho omwonyo chalo kwiri kendo nege mana ka gima thuol ema okaye.

Ngeche 15:27

Ng’at ma gombo bedo gi mwandu e yor miganga keto joode e chandruok, to ng’at modagi chamo asoya nodag aming’a.

Ngeche 22:9

Ng’at mang’won to noyud gueth, nikech opogo chiembe ni jochan.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Isaya 57:1

Ji makare tho, to onge ng’ama dewo. Bende joma oyie kuom Nyasaye iwito kucha, to onge ng’ama penjo. Adier, richo ema yueyo joma kare oko,

Daniel 4:27

Kuom mano, ruoth, luw gima anyisini. We timo marach, to tim maber, kendo ikech joma odhier mondo ichulgo richo misetimo. Kamano nidhi nyime maber.”

Mathayo 5:7

“Joma ng’won gin johawi, nikech nong’wonnigi.

Luka 6:38

Chiwuru, eka un bende nomiu. Unuyud rapim mopong’ thich, moiki, kendo motiel moo oko, nimar rapim ma upimoe ema un bende nopimnue.”

Jo-Filipi 4:17

To kik upar ni mich ema adwaro. Ooyo, gima adwaro en mana ni mondo Nyasaye omednu ohala.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.