Ngeche 11:13 - MUMA MALER 2015

¹³ Ng’at ma jafuong’ wach ok hulne weche maling’ling’. Ng’at ma odimbore to kano wach e chunye.

Motingʼo Loko Manyien

¹³ Kuoth ketho genruok, to ngʼat ma ja-ratiro rito wach malingʼ-lingʼ.

Ngeche 11:13 ပူးပေါင်းရင်းမြစ်များ

Ngeche 10:19

Ka iwuoyo mang’eny to ichiegni gi richo. Ng’at mariek to ling’ aling’a.

Ngeche 11:12

Ng’at maonge gi rieko ema jaro jowadgi. Ng’at mong’eyo gik moko to ling’ aling’a.

Ngeche 12:23

Ng’at mariek ok hul riekone. Ng’at mofuwo to nyiso mana fupe.

Ngeche 14:5

Janeno malong’o pile wacho adiera. Janeno ma mibadhi to wacho mana miriambo lilo.

Ngeche 19:11

Ng’at mariek, iye ok wang’ piyo. Ka ng’ato otimoni marach, to en gima ber moloyo ka ifwayo.

Ngeche 20:19

Ng’at ma jafuong’ wach ok kan weche maling’ling’, omiyo bed mabor gi ng’ama ok rit dhoge.

Ngeche 25:9

Ka in gi wach gi wadu, to los wachno kode ka un kendu to kik ihul weche maling’ling’ mag ng’ato,

Jeremia 38:27

Adier, jotelo duto nobiro ir Jeremia, mi gipenje gima ne giwacho gi ruoth, to ne onyisogi mana kaka ruoth nosenyise mondo owachi. Omiyo ne ok ginyal timo gimoro, nikech onge ng’ato mane osewinjo weche mane Jeremia jowacho gi ruoth.

Tim jo-Lawi 19:16

Kik iwuoth koni gi koni kiketho nying jou, kata kik ihangne wadu wach kodonjne e buch nek. An e Ruoth Nyasaye.

1 Timotheo 5:13

Bende ka giwuotho e mier ka gitiyo, to gipuonjore doko josamuoyo, to ok mana josamuoyo kende, to bende giting’o weche koni gi koni, kendo gidonjo e weche ma ok mekgi, ka giwacho gik ma ok owinjore giwachi.

Joshua 2:14

Jogo nodwoke niya, “Kutho, to kara wan bende owinjore watho. Ka Ruoth Nyasaye osemiyowa pinyni, to wanarit singruokwa, kendo wanatimni maber, mak mana kihulo wachwani.”

Joshua 2:20

To kapo ni ihulo wachwani, muma ok nomakwa.”