Ngeche 11:12 - MUMA MALER 2015

¹² Ng’at maonge gi rieko ema jaro jowadgi. Ng’at mong’eyo gik moko to ling’ aling’a.

Motingʼo Loko Manyien

¹² Ngʼat maonge gi rieko jaro jabathe, to ngʼat man-gi winjo rito lewe.

Ngeche 11:12 ပူးပေါင်းရင်းမြစ်များ

2 Ruodhi 18:36

To ji noling’ thi, ma onge ng’at modwoke kata wach achiel, nikech ruoth Hezekia nosegolo chik ni kik dwoke.

Ngeche 10:19

Ka iwuoyo mang’eny to ichiegni gi richo. Ng’at mariek to ling’ aling’a.

Ngeche 11:11

Mier yudo gueth ka joma kare odakie. Weche joricho to ketho mier aketha.

Ngeche 11:13

Ng’at ma jafuong’ wach ok hulne weche maling’ling’. Ng’at ma odimbore to kano wach e chunye.

Ngeche 14:21

Ka idwaro bedo mamor, to kony jochan, nimar charo ji en richo.

Ngeche 6:32

Kamano bende, ng’at ma terore gi chi ng’ato onge rieko, nimar oketho mana ngimane owuon.

Luka 16:14

Jo-Farisai, ma gin joma ohero pesa ahinya, nowinjo wechego duto, mi onyiere anyiera.

Luka 18:9

Joma ne paro giwegi ni gin joma kare, kendo mane ochayo ji mamoko duto, bende Yesu nogoyonigi ngero kama:

1 Petro 2:23

Kane oyanye, to ne ok oyenyo, kendo kane oneno masira, to ne ok osiemo ng’ato, to nochiwore e lwet Jal mang’ado bura kare.

Jong’ad Bura 9:38

Eka Zebul nopenje niya, “Koro ere wecheni ma nyocha isungorigo ka? Ok in ema nyocha ipenjo ni ere gima omiyo dwabed e bwo ng’at ma Abimelekni? Donge magi e joma nyocha icharo? Koro dhiyo iked kodgi!”

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.