Ngeche 11:11 - MUMA MALER 2015

¹¹ Mier yudo gueth ka joma kare odakie. Weche joricho to ketho mier aketha.

Motingʼo Loko Manyien

¹¹ Gweth mar joma kare kelo pak ne dala, to kuom dho joricho dala kethore.

Ngeche 11:11 ပူးပေါင်းရင်းမြစ်များ

Chakruok 45:8

Omiyo un ok ema ne ukela ku, to Nyasaye ema nokela. Osemiya bedo gi duong’, mi achalo wuon Farao, nimar an e jatend pinye duto, kendo an e ruodh Misri mangima.”

2 Samuel 20:1

To ne nitie ja-Benjamin moro kanyo ma achach, ma nyinge Sheba wuod Bikri. Nogoyo tung’ kowacho niya, “Waonge wat gi Daudi! Ok wan libamba achiel gi wuod Jesse. Wan jo-Israel, wadoguru dala.”

Ayub 22:30

Obiro resi ka ionge gi ketho, kendo ka itimo gima kare.”

Ngeche 11:10

Dala bedo mamor ka joma kare dhi nyime maber, kendo mahu mar mor nitie ka joricho tho.

Ngeche 11:12

Ng’at maonge gi rieko ema jaro jowadgi. Ng’at mong’eyo gik moko to ling’ aling’a.

Ngeche 14:34

Tim makare ting’o oganda malo. Richo to ketho nying oganda.

Ngeche 28:2

Piny nyalo bedo mogurore kendo motegno ka nitie jotelo mariek. To ka richo nie piny, to jotelo ok ti aming’a.

Ngeche 29:8

Joma ok dew jowadgi nyalo kelo miero e gweng’. Joma riek to temo kweyo mirimb ji.

Eklesiastes 9:15

To e dalano ne nitie ng’at moro modhier, to kata obedo ni nodhier kamano, ne oriek ahinya, ma dine oreso dalano, to onge ng’ama ne opare kata paro nono.

Jakobo 3:6

Kamano lep bende en mach. En piny mopong’ gi timbe maricho. Kuom fuondewa, lep ema ketho ringrewa duto, kendo omoko mach e ngima dhano duto. En owuon to imoke e mach mak tho.