Ngeche 11:10 - MUMA MALER 2015

¹⁰ Dala bedo mamor ka joma kare dhi nyime maber, kendo mahu mar mor nitie ka joricho tho.

Motingʼo Loko Manyien

¹⁰ Ka ngʼat makare mewo, dala maduongʼ bedo mamor, ka joricho otho, to nitie koko mar mor.

Ngeche 11:10 ပူးပေါင်းရင်းမြစ်များ

2 Ruodhi 11:20

Kane oseneg Athalia e od ruoth, ji duto nobedo mamor, kendo Jerusalem nokue.

2 Weche mag Ndalo 23:13

Noneno ruoth kochung’ e bath sich ruoth e dhoot, ka tung’ ywak kendo ji wer. Ji duto ne mor kendo ne goyo tung’, ka jower otelonigi gi thum. Athalia noyiecho lepe ka kok niya, “Ujemo! Ujemo!”

2 Weche mag Ndalo 23:21

Kane Athalia oseneg, ji duto nobedo mamor, kendo Jerusalem nokue.

Ayub 27:23

to yamo nokudh kuomgi ka giringo, kendo tekone malich nomi kihondko makgi.

Wuok 15:21

Miriam nowernigi niya: “Weruru ni Ruoth Nyasaye, nikech oseyudo duong’ mipako ahinya! Osewito farese gi joithgi e nam!”

Ngeche 11:11

Mier yudo gueth ka joma kare odakie. Weche joricho to ketho mier aketha.

Ngeche 28:12

Ka joma kare nigi loch, to ji duto mor, to ka joricho e jotelo, to ji pondo aponda.

Ngeche 28:28

Ka joricho nigi loch, to ji pondo aponda, to ka girumo, to joma kare chako kawo loch kendo.

Ngeche 29:2

Ka joma kare nigi loch, to ji duto mor, to ka joricho e jotelo to ji ng’ur ang’ura.

Jeremia 51:48

Mony moa yo nyandwat biro loyo Babulon kendo kethe, mi gik moko duto manie piny kendo manie polo nokog gi mor. An Ruoth Nyasaye ema awacho kamano.

Jong’ad Bura 5:31

“A Ruoth Nyasaye, wasiki duto mondo olal nono kamano, to ji duto moheri mondo orieny ka wang’chieng’ ma wuok gi tekone duto.” Bang’e piny Israel nobedo gi kue kuom higni piero ang’wen.