Ngeche 10:4 - MUMA MALER 2015

⁴ Bedo jasamwoyo miyo ng’ato bedo jachan. Tich matek to kelo mwandu.

Motingʼo Loko Manyien

⁴ Lwedo manyap miyo ngʼato bedo jachan, to lwedo ma jakinda kelo mwandu.

Ngeche 10:4 ပူးပေါင်းရင်းမြစ်များ

Chakruok 26:32

Chieng’onogo ema jotich Isaka nobiroe ire, monyise ni gisekunyo soko, kendo giyudoe pi.

Ngeche 10:5

Ng’at ma kayo cham ka osechiek en ng’at mariek, to ng’at ma nindo aninda ndalo keyo kelo wichkuot.

Ngeche 11:24

Ng’ato nyalo bet ni pogo ni ji gige gi chuny maler, to pod mwandune medore ameda! Ng’at machielo to nyalo bedo ni kungo malich, to pod omedo mana bedo modhier.

Ngeche 12:24

Tich matek miyo ng’ato bedo gi duong’. Samuoyo to miyo ng’ato bedo mana misumba.

Ngeche 12:27

Jasamwoyo ok nyal yudo gima odwaro, to ng’at matiyo matek yudo mwandu.

Ngeche 13:4

Ng’at ma jasamwoyo nyalo dwaro gimoro ahinya, to ok onyal yudo. Jakinda to yudo gik moko duto ma odwaro.

Ngeche 18:9

Jasamwoyo rach mana ka ng’at ma ketho gik moko.

Ngeche 19:15

Nindo mit ni jasamwoyo, to ng’at makamano kech biro nego.

Ngeche 19:24

Ng’at ma jasamwoyo luto lwete e tawo, to tero lwete e dhoge tame.

Ngeche 20:13

Ka ihero riyo mana kinindo, to nyaka ibed modhier, to ka itiyo matek, to ibedo gi chiemo mogundho.

Ngeche 20:4

Jasamuoyo ma ok pur puothe e kinde mowinjore ok nyal yudo cham e ndalo keyo.

Ngeche 21:5

Ng’at matiyo matek, kendo ma chano gik moko mos noyud gik mathoth, to ng’at marikni ok noyud gimoro.

Eklesiastes 10:18

Ka ng’ato nyap, ma ok nyal umo tat ode, to nyaka ot chuer, mi podhi.

Johana 6:27

Kik uti ni chiemo makethore, to tiuru mana ni chiemo mosiko, kendo makelo ngima ma nyaka chieng’. Wuod Dhano ema nomiu chiemono, nikech en ema Nyasaye Wuoro oseketo kido mare kuome, manyiso ni oyie kode.”

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.