Ngeche 10:3 - MUMA MALER 2015

³ Ruoth Nyasaye ok we kech neg ng’at makare. Jaricho to otuono gik modwaro.

Motingʼo Loko Manyien

³ Jehova Nyasaye ok we ngʼat makare obed gi kech, to oketho gombo mar joricho.

Ngeche 10:3 ပူးပေါင်းရင်းမြစ်များ

Ayub 15:23

kendo ni achudhe rito mondo ocham ringre. Ng’at ma kamano ong’eyo ni ngimane otimo mudho.

Ayub 20:28

Mirimb Nyasaye biro mwomo ka ohula, mi keth mwandune duto.

Ayub 5:20

Ka kech owuok, to enoriti ibed mangima, kendo kata ka lweny nitie, to enoresi e tho.

Zaburi 10:14

To adier ineno joma chandore kendo mokuyo, bende pile iikori mar konyogi. Ng’at ma ok nyal konyore chiwore e lweti, nikech pile isebedo kikonyo jochan gi nyithind kiye.

Zaburi 112:10

Joricho koneno kamano, to igi wang’. Ging’icho marach ka gikecho, bang’e gilal nono. Geno ma gin go orumo chuth.

Zaburi 33:19

Oresogi e tho, kendo oritogi e ndalo kech.

Zaburi 37:19

Ok ginithagre ka piny rach, kendo ginibed gi cham moromogi e ndalo kech.

Zaburi 37:25

Chakre tinna nyaka koro abedo jaduong’, pok anenoe ng’at makare ma Ruoth Nyasaye ojwang’o, kata ma nyithinde kuecho.

Zaburi 37:3

Gen kuom Ruoth Nyasaye mondo itim maber, eka idag e piny gi kue.

Ngeche 13:25

Joma kare nigi chiemo moromogi. Joricho to denyo ndalo duto.

Ngeche 14:32

Timbe mamono mag joricho ema miyo orumo. Ng’at makare to yudo resruok kuom timne malong’o.

Ngeche 28:25

Ng’at ma iye lit kelo miero, to ng’at ma ogeno kuom Ruoth Nyasaye dhi maber.

Ngeche 28:9

Ka ng’ato ok orito chik, to kata mana lemone Nyasaye mon-go.

Isaya 33:16

Ng’at ma kamano nodag kama oting’ore mokue. Got mabor motimo lwendni ema nobed kare mar geng’ruok, kendo enobed koyudo chiemo gi pi morome.

Zefania 1:18

Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Luka 12:31

Kar dwaro gigo, to dwaruru mana ni Loch Nyasaye obedie, eka gigo duto nomedu.