Ngeche 10:29 - MUMA MALER 2015

²⁹ Ruoth Nyasaye rito joma onge ketho, to otieko joma timo richo.

Motingʼo Loko Manyien

²⁹ Yor Jehova Nyasaye e kar pondo ni joma kare, to en kethruok ni jogo matimo richo.

Ngeche 10:29 ပူးပေါင်းရင်းမြစ်များ

Ayub 31:3

Donge chandruok gi masira ema orito joma timbegi richo?

Zaburi 1:6

Ruoth Nyasaye rito ng’at makare, jaricho to nolal chuth.

Zaburi 36:12

Neye kaka joricho opodho! Ogogi piny kanyo, kendo ok ginyal chung’.

Zaburi 37:20

Joma timbegi richo to notho. Adier, wasik Ruoth Nyasaye nolal nono ka maua makethore piyo. Ee, gibiro dum mi gilal ka iro.

Zaburi 84:7

Teko medore ni jogo ameda, ka gidhi nyime gi wuodhgi. Gibiro neno Nyasach nyiseche e got Sayun!

Zaburi 92:7

joma timbegi mono dongo ka buya, kendo joricho dhi nyime maber, to kata kamano, notiekgi duto chuth,

Ngeche 11:7

Ka jaricho otho, to genone duto tho kode, kendo geno ma ogenogo mwandune ok kony gimoro.

Ngeche 13:6

Tim makare rito ng’at modimbore. Timbe maricho to tieko joricho.

Ngeche 21:15

Ka adiera nitie to joma kare bedo mamor. Joma timbegi mono to lal nono.

Isaya 40:31

To joma ogeno kuom Ruoth Nyasaye, tekogi noduogi. Ginihu ka ongo, mana ka gima gin gi buombegi, kendo giniringi, to ok giniol, bende giniwuothi, to tekregi ok norum.

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Zekaria 10:12

To an Ruoth Nyasaye ema nami jo-Israel teko, mi ginipaka ka gimiyo nyinga duong’. An Ruoth Nyasaye ema awacho kamano.”

Jo-Filipi 4:13

Anyalo chomo gik moko duto tir, kuom teko ma Kristo miya.