Ngeche 10:24 - MUMA MALER 2015

²⁴ Gima jaricho oluoro ema timorene. Ng’at makare to yudo mana gima odwaro.

Motingʼo Loko Manyien

²⁴ Gima ngʼat marach oluoro biro loye; to gima ngʼat makare dwaro ibiro miye.

Ngeche 10:24 ပူးပေါင်းရင်းမြစ်များ

Ayub 15:21

Koko mag masiche biro mor e ite, kendo jomecho biro monje mi yake e kinde moparo ni enie gi kue.

Ayub 3:25

Gimoro amora ma aluoro oseyuda, kendo gik ma bwoga ema timorena.

Zaburi 145:19

Ji duto ma oluore, omiyo gik moko duto ma gichando, bende owinjo ywakgi, kendo oresogi.

Zaburi 21:2

Isemiye gima ne chunye dwaro, kendo isedwoko kwayone.

Zaburi 37:4

Onego iyud mor mana kuom Ruoth Nyasaye, eka omiyi gik ma idwaro.

Ngeche 1:26

Omiyo ka uyudo chandruok, to ananyieru anyiera.

Ngeche 1:27

Ee, anajaru ajara ka masira obiro kuomu ka koth maduong’, mokelonu thagruok gi rem malit.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Isaya 66:4

e kaka an bende abiro yieronigi masiche mondo omakgi, ka akelo kuomgi gik ma giluoro, nimar ne alwongo, to onge ng’ama dwoka, kendo ne awuoyo, to onge ng’ama winja. To ne gitimo timbe mamono ma ok ayiego, eka giyiero mana gik ma adagi.”

Ezekiel 11:8

Ang’eyo ni uluoro lweny, to lweny muluorono ema abiro kelonu.

Daniel 4:28

Gigo duto notimore ni ruoth Nebukadnezar.

Mathayo 5:6

“Joma kech gi riyo mar dwaro tim makare oloyo gin johawi, nikech giniyud gima gidwaro.

Johana 14:18

“Ok anaweu ka nyithi kiye, to anaduog iru.

Johana 16:24

Nyaka chop koroni, pok ukwayo gimoro e nyinga, to koro kwauru, to unuyudi, mondo mor ma un-go obed moromo chuth.

Jo-Hibrania 10:27

Gima odong’ en mana kibaji, kwang’eyo ni wachomo bura, gi mirima mager ka mach, ma Nyasaye biro tiekogo joma otamore yie kuome.