Ngeche 10:22 - MUMA MALER 2015

²² Gueth moa kuom Ruoth Nyasaye ema kelo ni ng’ato mwandu, kendo mwandu makamano ok kel parruok.

Motingʼo Loko Manyien

²² Gweth mar Jehova Nyasaye kelo mwandu, kendo ok omed chandruok kuome.

Ngeche 10:22 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 13:2

To Abram koro ne jamoko ahinya, ne en gi rombe gi diek gi dhok, kaachiel gi fedha kod dhahabu.

Chakruok 14:23

ni ok nakaw giri kata achiel, nimar dipo ka chieng’ moro iwacho ni, ‘An ema namiyo Abram obedo jamoko.’

Chakruok 24:35

Ruoth Nyasaye oseguedho ruodha ahinya, mi osedoko ng’ama duong’. Osemiye rombe gi diek kod dhok mang’eny, kod fedha gi dhahabu, kaachiel gi wasumbni machwo gi mamon, kod ngamia gi kanje.

Chakruok 26:12

E higano, Isaka nopuro, mi nokayo cham moloyo ma nochwoyo nyadi mia, nikech Ruoth Nyasaye noguedhe.

Chakruok 26:13

Nomedo bedo gi mwandu nyaka koro nomew ahinya.

1 Ruodhi 21:19

To wachne ni Ruoth Nyasaye owacho kama: ‘Kara iseneko kendo yeko?’ Eka imed nyise ni Ruoth Nyasaye owacho niya, ‘Kama nyocha guogi onang’oe remb Naboth, ema nonang’ie mari bende!’ ”

1 Weche mag Ndalo 4:10

Jabez nokwayo Nyasach Israel niya, “Yie igwedha, kendo imed mbap pinya, bende lweti orita mondo kik gima rach hinya.” Mi Nyasaye nomiye gima nokwayono.

2 Weche mag Ndalo 25:9

Amazia nopenjo ng’at Nyasaye niya, “To wabiro timo ang’o kuom kilo alufu adek ma asemiyo jolweny ma jo-Israel?” Ng’at Nyasaye nodwoke niya, “Ruoth Nyasaye nigi teko mar miyi moloyo mago.”

2 Weche mag Ndalo 32:27

Hezekia ne nigi mwandu mang’eny kod huma maduong’. Noloso ut keno mag kano fedha gi dhahabu gi kite ma nengogi tek gi gik mang’ue ng’ar gi okumbni kod gik moko mabeyo mopogore opogore.

2 Weche mag Ndalo 32:29

Bende nogero mier modakie, kendo nobedo gi rombe gi dhok mogundho, nimar Nyasaye nomiye mwandu mang’eny ahinya.

Zaburi 107:38

oguedho joge, komiyo ginya mathoth, kendo ok oyie mondo jambgi odog piny.

Zaburi 127:2

Bende onge tiende tiyo matek mondo uyud chiemo, kuchiew gokinyi mang’ich, kendo kudhi nindo molewo, nimar Ruoth Nyasaye ema miyo nindo tero ng’at mohero.

Zaburi 37:22

Joma Ruoth Nyasaye oguedho nodag e piny gi kue, to jogo ma okuong’o notiek pep.

Ngeche 14:24

Osimb joma riek en mwandu. To gima joma ofuwo sidho gin mana fupgi.

Ngeche 20:21

Ka ng’ato choko mwandu e yo mayot, to e giko mwandugo ok nokonye ngang’.

Ngeche 28:22

Ng’at ma iye lit rikni mondo oyud mwandu. Ok ong’eyo ni chieng’ moro dhier nyalo make.

Ngeche 8:21

kachiwo mwandu ni joma ohera, kendo apong’o utgi gi gik mogundho.

Daniel 1:15

To kane ndalogo orumo, ne ginenore machwe kendo man gi teko moloyo yawuowi mane chamo chiemb od ruoth.

Zekaria 5:4

Ruoth Nyasaye Manyalo Gik Moko Duto wacho ni, ‘Anaor kuong’no e ut jokuo duto, kende e od ng’ato ang’ata makuong’ore gi miriambo e nyinga. Kuong’no nosik e udigo, mi tiekgi pep, koda ka yien gi kite mogergigo.’ ”

Rapar mar Chik 26:10

A Ruoth Nyasaye, mano emomiyo akeloni gik mokwongo nyak e lowo misemiya.’ Eka noket atongano piny e nyim Ruoth Nyasaye, mi okulorene piny mondo olame.

Rapar mar Chik 28:11

“Ruoth Nyasaye biro miyo udhi maber. Ubiro bedo gi nyithindo mang’eny, kendo gi jamni mathoth, kod cham mogundho e piny mane Ruoth Nyasaye osingore ni kwereu ni nomiu.

Joshua 6:18

To un, beduru motang’ kendo kik ugomb gik mokwer! Kik ukaw kata achiel kuomgi, nikech kutimo kamano to masira momako jodalano nomak kambi jo-Israel, kendo nokelnigi chandruok.