Ngeche 10:2 - MUMA MALER 2015

² Mwandu muyudo e yo marach ok kony gimoro. Tim makare to reso ji e tho.

Motingʼo Loko Manyien

² Mwandu moyudi e yo marach onge gi ohala; to tim makare reso ji e tho.

Ngeche 10:2 ပူးပေါင်းရင်းမြစ်များ

Ngeche 11:4

Chieng’ bura, to mwandu ok nyal konyi. Tim makare to nyalo geng’oni tho!

Ngeche 12:28

Tim makare e yo mochiko ngima. Fuwo to em mana yo madhi e tho!

Ngeche 13:11

Mwandu moyudi e yo mayot lal piyopiyo, to mwandu mitiyone matek medore ameda.

Ngeche 21:6

Mwandu moyudi e yor miganga lal piyopiyo nono, to bende gitero ji e tho.

Ezekiel 7:19

Giniwit dhahapgi kod fethgi e wang’yore, mana ka yugi, nikech dhahabu kata fedha ok nokonygi chieng’ mirimb Nyasaye. Adier, mwandugo ok nonegnigi kech, bende ok noyieng’gi, nimar mwandugo ema ne oterogi e richo.

Daniel 4:27

Kuom mano, ruoth, luw gima anyisini. We timo marach, to tim maber, kendo ikech joma odhier mondo ichulgo richo misetimo. Kamano nidhi nyime maber.”

Zefania 1:18

Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Jo-Rumi 5:21

ni mondo kaka richo nolocho kamiyo ji duto tho, e kaka mondo ng’wono olochi, ka Nyasaye miyo ji bedo e winjruok kode, kendo miyogi ngima ma nyaka chieng’ kuom Yesu Kristo Ruodhwa.

Jo-Filipi 3:9

ka ariwora kode eringruok achiel. Koro ok adwar ni mondo okwana ka ng’ama dwaro bedo e winjruok gi Nyasaye nikech rito Chik, to adwaro bedo ng’ama Nyasaye osemiyo bedo e winjruok kode nikech oyie kuom Kristo.