Ngeche 10:19 - MUMA MALER 2015

¹⁹ Ka iwuoyo mang’eny to ichiegni gi richo. Ng’at mariek to ling’ aling’a.

Motingʼo Loko Manyien

¹⁹ Ka weche ngʼeny, to richo ok nyal bare ma ok obetie, to ngʼat marito lewe oriek.

Ngeche 10:19 ပူးပေါင်းရင်းမြစ်များ

Ayub 11:2

“Bende ng’ato diwe weche manonogi, mak odwoko? Koso thoro weche mang’eny dimi ng’ato bed ng’ama kare?

Zaburi 39:1

Ne awacho niya, “Abiro ritora kuom gik ma atimo, mondo kik awach gimoro marach. Ok anawuo ka joricho ni machiegni.”

Ngeche 11:12

Ng’at maonge gi rieko ema jaro jowadgi. Ng’at mong’eyo gik moko to ling’ aling’a.

Ngeche 11:13

Ng’at ma jafuong’ wach ok hulne weche maling’ling’. Ng’at ma odimbore to kano wach e chunye.

Ngeche 12:23

Ng’at mariek ok hul riekone. Ng’at mofuwo to nyiso mana fupe.

Ngeche 18:21

Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.

Eklesiastes 5:1

Bed motang’ ka idhi e od Nyasaye, nimar dhiyo kuno mondo ipuonjri, ber moloyo chiwo misango ka ng’at mofuwo ma ok ong’eyo gima ber gi gima rach.

Eklesiastes 5:2

Par maber ka pok iwuoyo, kendo kik irikni ka isingori ni Nyasaye. Nyasaye nie polo, to in inie piny, omiyo kik iwuo mathoth moloyo kaka owinjore.

Eklesiastes 5:3

Ka in gi parruok mathoth, to ibiro bedo gi lek maricho. Kamano bende ka wecheni ng’eny, to inyalo wacho gima ofuwo.

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Jakobo 3:2

Waduto wachwanyore pile, to ng’at ma ok chwanyre e gima owacho e ng’at malong’o chutho. Ng’at ma kamano nyalo ritore e yore duto.