Ngeche 10:17 - MUMA MALER 2015

¹⁷ Ng’at moyie weche mirieyego nobed mangima, to ng’at motamore kethone obayo yo.

Motingʼo Loko Manyien

¹⁷ Ngʼat mawinjo weche mirieyego wuotho e yo madhiyo e ngima, to ngʼat motamore kethone tero ji mamoko e yor lal.

Ngeche 10:17 ပူးပေါင်းရင်းမြစ်များ

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Ngeche 1:30

Ne udagi winjo wachna, bende ne ok udewo puonjna kata ka akwerou gimoro.

Ngeche 12:1

Ng’at ma ohero rieko bedo mamor ka onyise gima rach ma osetimo, to ng’at motamore ni kik rieye chalo mana le.

Ngeche 15:10

Ng’at mobaro moweyo yo makare biro yudo kum malit, kendo ng’at modagi ni ok kwer biro tho.

Ngeche 15:32

Ng’at ma tamore puonj hinyore kende owuon, to ng’ama yie kikwero medo bedo mariek.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Ngeche 3:18

En ludh ngima ni jogo duto man kode, kendo joma opadore kuome gin johawi.

Ngeche 4:13

Pile par gima isepuonjori, kendo rite maber nikech en e ngimani.

Ngeche 4:4

to wuora ne puonja kanyisa niya, “Par gik ma anyisi, kendo kik wiyi wil kodgi. Bende tim kaka anyisi, eka inibed mangima.

Ngeche 5:12

Bang’e iniwach niya, “Ang’o mane omona puonjora rieko? Koso ere gima nomiyo adagi, ni ng’ato ok nyisa gima atimo marach?

Ngeche 5:14

Omiyo koro asepo ka ayudo wichkuot e lela!”

Ngeche 6:23

Chike ma kamago gin ler marieny, kendo kwer ma ikwerogo ng’ato kuom gima otimo marach kelo ngima.

Eklesiastes 5:6

Kik iwe wecheni iwuon teri e richo, nono to idhi e nyim jadolo mar Nyasaye, kiywagori ni iseketho, nikech kitimo kamano to imiyo Nyasaye kecho kodi, kendo obiro ketho gik ma luchi osemiyi.

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

Jo-Hibrania 2:1

Mano emomiyo nyaka waket chunywa kuom mako weche ma wasewinjo, mondo kik waba yo.

Jong’ad Bura 19:17

Noting’o wang’e moneno ng’at ma jawuothno, mi nopenje kuma oaye kendo kuma odhiye.