Ngeche 10:14 - MUMA MALER 2015

¹⁴ Joma riek, yudo rieko duto ma ginyalo nwang’o. Ng’at mofuwo kawuoyo, to chandruok ema chiegni.

Motingʼo Loko Manyien

¹⁴ Joma riek okano ngʼeyo, to dho joma ofuwo kelo kethruok.

Ngeche 10:14 ပူးပေါင်းရင်းမြစ်များ

Ngeche 1:5

Ngechegi nyalo kata mana medo ng’eyo mar joma riek, kendo menyo yo ni joma nigi winjo,

Ngeche 10:10

Ng’at ma pando adiera, kelo chandruok, to ng’at ma kwero gimoro e lela, kelo kue.

Ngeche 10:8

Joma riek luwo puonj makare, to joma wechegi ofuwo biro rumo.

Ngeche 12:23

Ng’at mariek ok hul riekone. Ng’at mofuwo to nyiso mana fupe.

Ngeche 13:3

Ng’at marito dhoge reso ngimane, to ng’at ma rodho wach arodha tiekore kende owuon.

Ngeche 17:20

Ng’at ma paro mana richo, donjo e chandruok, kendo ng’at ma wacho miriambo yudo mana masira.

Ngeche 18:1

Ng’at ma kendeke dwaro mana gige owuon. Ok onyal yie gik ma ji duto oyiego.

Ngeche 18:15

Joma weche donjonigi dwaro mondo opuonjre, kendo gichiko itgi mondo kik wach moro kadhnigi.

Ngeche 18:7

Ka ng’at mofuwo wuoyo, to otiekore kende. Wechene owuon ema make.

Ngeche 19:8

Ng’at ma dwaro rieko rito ngimane maber, kendo ng’at maparo gima osepuonjore dhi nyime kare.

Ngeche 21:23

Ka ok idwar ni iyud chandruok, to rit lewi.

Ngeche 9:9

Bende kipuonjo ng’at man gi rieko, to omedo bedo mariek. Chutho, kinyiso ng’at makare gimoro, to omedo mana puonjore.

Eklesiastes 10:12

Weche ma ng’at mariek wacho, kelone luor. Ng’at mofuwo to tiekore kende owuon gi wechene.

Mathayo 12:35

Ng’at maber golo gik mabeyo kuom mwandu mabeyo mokano e chunye. To ng’at marach to golo mana gik maricho kuom mwandune maricho.

Mathayo 13:44

“Loch Polo chalo gi mwandu mane opandi e puodho, mi ng’ato oyudo, mi ochako oyiko kendo. Ng’atno nodoko mamor ahinya, omiyo nodhi oloko gige duto pesa, mi oduogo ong’iewo puodhono.

Mathayo 13:52

Eka nomedo wachonigi niya, “Ka kamano, to japuonj Chik mapuonjore wach Loch Polo chalo gi wuon dala magolo mwandun manyien gi machon kar kenone.”