Ngeche 10:1 - MUMA MALER 2015

¹ Ngeche moko mag Solomon: Wuowi mariek miyo wuon mare bedo mamor, to wuowi mofuwo miyo min mare chuny lit.

Motingʼo Loko Manyien

¹ Ngeche mag Solomon: Wuowi mariek kelo mor ni wuon mare, to wuowi mofuwo miyo min mare chuny lit.

Ngeche 10:1 ပူးပေါင်းရင်းမြစ်များ

1 Ruodhi 4:32

Nochuogo ngeche alufu adek, kendo wende moromo alufu achiel kod abich.

Ngeche 1:1

Magi e ngeche mag Solomon wuod Daudi, ruodh Israel,

Ngeche 13:1

Wuowi mariek winjo puonj wuon mare. Ng’at ma wang’e tek to ok yie kethone.

Ngeche 15:20

Wuowi mariek miyo wuon mare mor. Ng’at ma charo min to ofuwo.

Ngeche 17:21

Wuon wuowi mofuwo yudo kuyo. Adier, oonge gi mor.

Ngeche 17:25

Wuowi mofuwo miyo wuon mare chuny lit, kendo kelo ni min mare kuyo.

Ngeche 19:13

En masira bedo wuon wuowi mofuwo. Dhako ma ralep bende chalo gi pi maton ma ok chogi.

Ngeche 25:1

Magi e ngeche mamoko mag Solomon, mane jotich Hezekia ruodh Juda ondiko, kogolo kuonde mane ondikgie:

Ngeche 27:11

Wuoda, bed mariek mondo chunya obed mamor, eka abed gi gima ageng’ogo joma chaya.

Ngeche 29:15

Ka ichwado nyathi, kendo ikwere, eka ikonye bedo mariek. Nyathi mowe aweya to kelo ni min mare wichkuot.

Ngeche 29:17

Puonj wuodi tim maber eka okonyi kendo omiyi mor.

Ngeche 29:3

Ng’at mohero rieko miyo wuon mare mor. Ng’at ma jachode to ketho mwandune aketha.

Eklesiastes 12:9

To nikech Jayalo ne nigi rieko, omiyo ne omedo puonjo ji apuonja gik mong’eyo. Ne ochoko ngeche eka ochanogi maber.

Eklesiastes 2:19

To ere ng’ama ong’eyo ka ng’at ma biro luwano nobed mariek kata mofuwo? To kata bed ni oriek kata ofuwo, to pod nokaw akawa gimoro amora ma lucha gi riekona osekelo e pinyka. Mano bende en mana gima nono.