Ngeche 1:8 - MUMA MALER 2015

⁸ Wuoda, chik iti ni gik ma wuoru puonji, kendo kik idagi gik ma meru wachoni,

Motingʼo Loko Manyien

⁸ Wuoda, chik iti ni puonj wuonu, kendo kik ijwangʼ puonj mar minu.

Ngeche 1:8 ပူးပေါင်းရင်းမြစ်များ

Ngeche 1:10

Wuoda, ka joricho temi, to kik iyienigi.

Ngeche 1:15

Koro in wuoda, kata ka giwachoni kamano, to kik idhi kodgi, bende bed mabor gi timbegi.

Ngeche 2:1

Wuoda, mak weche ma apuonji, kendo kan-gi e chunyi.

Ngeche 23:22

Winj wuoru, nikech en ema onywoli, kendo kik icha meru, kata bed ni oseti.

Ngeche 3:1

Wuoda, wiyi kik wil gi weche ma apuonji, to pile par gik ma anyisi mondo itim,

Ngeche 30:17

Ng’at manyiero wuon, kata machayo min mare ka oti, onego achuth cham, kata onego agak lodh wengene!

Ngeche 31:1

Magi e weche matut mane min ruoth Lemuel opuonje:

Ngeche 5:13

Ne ok achiko ita ka jopuonjna wuoyo, kendo ne ok adewogi,

Ngeche 6:20

Wuoda, tim gik ma wuoru nyisi, bende kik idagi puonj meru.

Ngeche 7:1

Wuoda, par gik ma awachoni, kendo kan-gi e chunyi.

Jeremia 35:8

Waserito chike duto mag Jonadab wuod Rekab ma kwarwa. Wan wawegi ok wamadh divai, kata mana mondwa gi yawuotwa kod nyiwa bende ok madhi.

Tim jo-Lawi 19:3

Ng’ato ka ng’ato kuomu nyaka luor min gi wuon, kendo nyaka rit Sabato maga. An e Ruoth Nyasaye ma Nyasachu.

Mathayo 9:2

Ji moko nokelo ng’at man gi tuo athany ire, koting’o e ng’angu. Kane Yesu oneno yie ma jogo nigo, nowacho ni ng’atno niya, “Bed gi kue! Richoni oweni.”

Mathayo 9:22

Yesu nolokore, moneno dhakono, mi owachone niya, “Nyara bed gi kue. Yieni ema omiyo ichango.” Kamano dhakono nochango mana gikanyono.

2 Timotheo 1:5

nikech aparo yie maradier ma in-go. Yienino chalo gi yie mane Lois dani nigo mokwongo, kendo mane Yunike meru bende ni-go.

Ruth 3:6

Ruth nodhi kar dino motimo duto mane wuon odgi owachone.

1 Samuel 2:25

Ka ng’ato oketho ni wadgi, Nyasaye nobedne jathek, to ka ng’ato oketho ni Ruoth Nyasaye to ere ng’ama nokonye?” To ne gidagi winjo dwond wuon-gi, nimar Ruoth Nyasaye noseng’ado ni mondo githo.