Ngeche 1:7 - MUMA MALER 2015

⁷ Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Motingʼo Loko Manyien

⁷ Luoro Jehova Nyasaye e chakruok mar ngʼeyo to joma ofuwo chayo rieko gi ritruok makare.

Ngeche 1:7 ပူးပေါင်းရင်းမြစ်များ

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Zaburi 111:10

Luoro Nyasaye e chakruok mar rieko, kendo joma timo kamano yudo rieko mang’eny. Nyaka pake mochwere!

Ngeche 1:22

Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Ngeche 15:32

Ng’at ma tamore puonj hinyore kende owuon, to ng’ama yie kikwero medo bedo mariek.

Ngeche 15:33

Luoro Ruoth Nyasaye puonjo ji rieko, kendo bedo mamuol kelo luor.

Ngeche 15:5

Ng’at mofuwo ochayo puonj wuon mare, to ng’at mariek winjo kikwere gimoro.

Ngeche 18:2

Ng’at mofuwo ok dew kata ka owinjo gimoro, kata ka ok owinjo. Riekone kende ema odwaro nyiso.

Ngeche 2:5

Ka itimo kamano, to ining’e tiend luoro Ruoth Nyasaye, kendo iniyud rieko ming’eyogo Nyasaye,

Ngeche 23:9

Kik item wuoyo gi ng’at mofuwo, nikech obiro mana chayo riekoni.

Ngeche 9:10

Luoro Ruoth Nyasaye e chakruok mar rieko, nimar ka ing’eyo Ng’ama Ler, to in gi rieko adier.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Jo-Rumi 1:28

Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim.

Rapar mar Chik 4:6

Ritgiuru adimba, nimar mano biro nyiso ogendini mamoko ni uriek. Ka giniwinj chikegi eki, to giniwach niya, ‘Onge oganda moro mariek ka oganda maduong’ni.’