Ngeche 1:5 - MUMA MALER 2015

⁵ Ngechegi nyalo kata mana medo ng’eyo mar joma riek, kendo menyo yo ni joma nigi winjo,

Motingʼo Loko Manyien

⁵ Mad jomariek chik itgi mondo owinji kendo gimedgi e puonjruokgi, to jogo mongʼeyo pogo tiend wach mad oyud gino ma chikogi,

Ngeche 1:5 ပူးပေါင်းရင်းမြစ်များ

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Ayub 34:10

Un joma riek, koro chikuru itu mondo uwinji. Bende Nyasaye Manyalo Gik Moko Duto ditim gima ok ni kare adier?

Ayub 34:16

Koro in Ayub, winja, kapo ni iriek adier.

Ayub 34:2

“Un joma riek, koro winjuru wechena.

Ayub 34:34

Ng’ato ang’ata man gi paro, mowinjo gima awacho,

Ngeche 12:1

Ng’at ma ohero rieko bedo mamor ka onyise gima rach ma osetimo, to ng’at motamore ni kik rieye chalo mana le.

Ngeche 14:6

Ng’at ma jasunga ok nyal bedo mariek. Ng’at ma weche donjone to puonjore piyopiyo.

Ngeche 18:15

Joma weche donjonigi dwaro mondo opuonjre, kendo gichiko itgi mondo kik wach moro kadhnigi.

Ngeche 19:25

Josunga nyaka kum mondo joma kia gik moko opuonjre. Ng’at mariek to puonjore apuonja kokwere.

Ngeche 21:11

Ka ng’at ma wang’e tek oyudo kum, to eka koda ka ng’at ma onge paro puonjore. Ng’at mariek to mako gik mipuonje.

Ngeche 8:33

Chikuru itu ni gik ma apuonjou, mondo ubed gi rieko, kendo kik uwe olalnu.

Ngeche 9:8

Kuom mano, kik item rieyo ng’at ma jasunga, nikech mano biro miyo obet mamon kodi. To ka irieyo ng’at man gi rieko, to obedo osiepni.

Ngeche 9:9

Bende kipuonjo ng’at man gi rieko, to omedo bedo mariek. Chutho, kinyiso ng’at makare gimoro, to omedo mana puonjore.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

1 Jo-Korintho 10:15

Akwayou kaka joma nigi rieko ni, par ane uru gima awacho.

Rapar mar Chik 4:6

Ritgiuru adimba, nimar mano biro nyiso ogendini mamoko ni uriek. Ka giniwinj chikegi eki, to giniwach niya, ‘Onge oganda moro mariek ka oganda maduong’ni.’