Ngeche 1:31 - MUMA MALER 2015

³¹ Kuom mano, unuyud gima owinjore kodu, kendo timbeu uwegi noromu!

Motingʼo Loko Manyien

³¹ kuom mano ginicham olemo mag yoregi kendo giniyiengʼ gi olemo mar riekogi maricho.

Ngeche 1:31 ပူးပေါင်းရင်းမြစ်များ

Ayub 4:8

Aseneno ni joma puro richo, kendo chwoyo timbe maricho kayo mana gik ma kamago.

Zaburi 81:13

To mano kaka agombo ni mondo joga owinja. Ee, mad jo-Israel luw yorena.

Ngeche 12:14

Pok ma ng’ato yudo romre gi weche mowacho kendo gi gik motimo.

Ngeche 13:2

Joma kare nomi pok maromre gi gik ma giwacho. Jomriambo to gombo mana miero.

Ngeche 14:14

Ng’at marach yudo gima oromo kode. Ng’at makare bende yudo pok kuom timbene.

Ngeche 22:8

Ng’at matimo timbe mamono nyaka yud masira, kendo e giko ibiro kume mager.

Ngeche 5:22

Richo mag ng’ama timbene mono gin obadho momake matek.

Ngeche 5:23

Koro otho nikech ok onyal ritore owuon, kendo fupe ema tere e liel.

Ngeche 8:36

To ng’at ma ok oyuda, hinyore owuon. Chutho, ng’at ma mon koda, ohero mana tho!”

Isaya 66:4

e kaka an bende abiro yieronigi masiche mondo omakgi, ka akelo kuomgi gik ma giluoro, nimar ne alwongo, to onge ng’ama dwoka, kendo ne awuoyo, to onge ng’ama winja. To ne gitimo timbe mamono ma ok ayiego, eka giyiero mana gik ma adagi.”

Jeremia 14:16

Joma ne giwachonigi gigo bende lweny gi kech biro nego. Ringregi kaachiel gi mag mondgi kod nyithindgi nowiti e yore mag Jerusalem, ma onge ng’ama noyiki, nikech abiro kumogi kuom timbegi maricho.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 21:14

To an Ruoth Nyasaye abiro kumou mana maromre gi kethou. Abiro wang’o od ruodhu gi mach ma nowang’ gik moko duto machiegni kode. An Ruoth Nyasaye ema awacho kamano.”

Jeremia 6:19

Un jo-piny, winjuru! Akelo masira kuom jogi mana moromo gi timbegi, nikech gisedagi wechena, kendo ok giserito puonjna.

Ezekiel 22:31

Kuom mano, abiro tiekogi pep, ka an gi mirima mager ka mach, kakumogi maromre gi timbegi. An Ruoth Nyasaye ema awacho kamano.”