Ngeche 1:30 - MUMA MALER 2015

³⁰ Ne udagi winjo wachna, bende ne ok udewo puonjna kata ka akwerou gimoro.

Motingʼo Loko Manyien

³⁰ Kaka ne ok giyie gi puonjna kendo gidagi siem mara,

Ngeche 1:30 ပူးပေါင်းရင်းမြစ်များ

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Zaburi 119:111

Chikeni gin mwanduna mosiko, kendo gin ema gimiyo chunya mor.

Zaburi 119:173

Pile bed kiikori mar konya, nikech chikeni ema aseyiero.

Zaburi 81:11

To joga ne ok nyal winjo wachna. Adier, jo-Israel ne odagi mako chikna.

Ngeche 1:25

Usedagi rieko duto maseng’adonu, kendo ok useyie mondo anyisu gimoro mutimo marach.

Ngeche 5:12

Bang’e iniwach niya, “Ang’o mane omona puonjora rieko? Koso ere gima nomiyo adagi, ni ng’ato ok nyisa gima atimo marach?

Jeremia 36:23

E kinde ka kinde mane Jehudi tieko somo laini adek kata ang’wen, ruoth ne ng’ado kuondego gi pala moro matin, kendo owito e mach. Ne otimo atima kamano nyaka ne otieko kitabuno.

Jeremia 8:9

Jorieko wigi okuot. Wach ogoyogi nyang’eng’o kendo dhogi omoko. Gisedagi wechena, koro ere rieko ma gin-go?