Ngeche 1:28 - MUMA MALER 2015

²⁸ E kinde ma un e thagruok kamano, unuluonga to ok anaduoku, bende unumanya kuonde duto, to ok unuyuda kamoro amora!

Motingʼo Loko Manyien

²⁸ Giniluonga, to ok anadwokgi; ginimanya to ok giniyuda.

Ngeche 1:28 ပူးပေါင်းရင်းမြစ်များ

Chakruok 6:3

Eka Ruoth Nyasaye nowacho niya, “Mucha ma chiwo ngima ok nodag e chuny dhano nyaka chieng’, nikech dhano en mana ringruok matow. Chakre tinendeni, onge ng’ama nodag moloyo higni mia achiel gi piero ariyo.”

Ayub 27:9

Koso Nyasaye diwinj ywakgi ka chandruok omakogi?

Ayub 35:12

Kuom mano, ka giywak ni mondo okonygi, to Nyasaye ok dewgi, nikech gin joma josunga, kendo ma timbegi richo.

Zaburi 18:41

Ne giywak ni mondo okonygi, to onge ng’ama ne nyalo resogi. Ne giywak ni Ruoth Nyasaye to ne ok odwokogi.

Zaburi 18:42

Ne aregogi mayom mana ka buru ma yamo tero, mi anyonogi ka chuodho.

Zaburi 66:18

Ka dine bed ni richo mitna, to Ruoth Nyasaye dine ok owinja.

Ngeche 15:29

Ka joma kare lemo, to Ruoth Nyasaye winjo. Joricho to ok dew.

Ngeche 8:17

Ahero joma ohera, kendo ng’ato nag’ata madwara to yuda.

Wer Mamit 5:6

To kane ayawo ni jaherana dhoot, to ne ayudo ka osea! Mano kaka ne agombo winjo dwonde! Ne arange koni gi koni, to ne ok anyal nene. Bende ne aluonge, to ne ok odwoka.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Jeremia 11:11

Kuom mano an Ruoth Nyasaye asiemogi ni abiro kelo masira kuomgi kendo onge ng’at ma notony. To kata ka giywak mondo akonygi, to ok nadewgi.

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Ezekiel 8:18

Abiro kumogi gi mirimba mager, ka ok ang’wononigi, kata ka ok akechogi. Kata da bed ni gilama matek manade, to ok anadewgi.”

Hosea 5:15

“Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Hosea 5:6

Gidhi gi jambgi mondo gitimgo misengni ni Ruoth Nyasaye, to ok ginyal yude, nikech oseweyogi.

Amos 8:12

Ji nowuoth kadawo, chakre nyandwat nyaka milambo. Ginidigni chakre yo wuokchieng’ nyaka yo podho chieng’, ka gimanyo wach Ruoth Nyasaye to ok giniyudi.

Mika 3:4

Kinde biro ma unuywagie ni Ruoth Nyasaye, to ok nodwoku, kata mana winjo lemou ok nowinji, nikech timbe maricho musetimo.

Zekaria 7:13

Ne awacho niya, ‘Kaka ne gidagi winja ka aluongogi, e kaka ne adagi winjogi ka giluonga,

Rapar mar Chik 1:45

Bang’ mano nuduogo, muywak e nyim Ruoth Nyasaye, to ne ok onyal winjo ywaku, kendo ne ok onyal dewou.

Jakobo 4:3

To kata ka ukwayo, to ok dwoku, nikech ukwayo gi paro marach, kudwaro timo mana gima un uwegi ema udwaro.

1 Samuel 8:18

Mi unuywag e ndalono nikech timbe ruodhu mane uyiero, to Ruoth Nyasaye ok nowinju e ndalono.”