Ngeche 1:27 - MUMA MALER 2015

²⁷ Ee, anajaru ajara ka masira obiro kuomu ka koth maduong’, mokelonu thagruok gi rem malit.

Motingʼo Loko Manyien

²⁷ ka masira machalo yamb ahiti obiro kuomu, kendo ka chandruok oyweyou ka yamb kalausi. Ka lit kod thagruok ohingou.

Ngeche 1:27 ပူးပေါင်းရင်းမြစ်များ

Ayub 27:9

Koso Nyasaye diwinj ywakgi ka chandruok omakogi?

Zaburi 58:9

Ibetogi ka bungu, ka ok ging’eyo. Nyasaye biro terogi mabor ka pod gingima, kokecho.

Isaya 17:13

To Nyasaye biro kwerogi, mi giring gidhi mabor, mana ka mihudhi mipiedho e gode, kendo ma yamo tero, kata ka buru ma kalausi keyo.

Jeremia 23:19

Mirimba chalo gi ahiti maduong’ ma biro utho joricho.

Nahum 1:3

Iye ok wang’ piyo, to en gi teko mathoth. Chutho ok onyal weyo joricho mak okumo. En gi yore moluwo ei kalausi kendo ei ahiti, bende boche polo e buru monyono.

Jo-Rumi 2:9

Masira kod chandruok noyud ng’ato ka ng’ato matimo richo. Jo-Yahudi ema nokwong yudo masichego, eka joma ok jo-Yahudi bende noyudgi.

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.