Ngeche 1:25 - MUMA MALER 2015

²⁵ Usedagi rieko duto maseng’adonu, kendo ok useyie mondo anyisu gimoro mutimo marach.

Motingʼo Loko Manyien

²⁵ nimar ne udagi puonj maga duto kendo ne ok uwinjo siem mara.

Ngeche 1:25 ပူးပေါင်းရင်းမြစ်များ

2 Weche mag Ndalo 33:10

Ruoth Nyasaye nowuoyoo gi Manase kod joge, to ne ok gidewe.

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Zaburi 107:11

nikech ne gipiem gi Nyasaye Maduong’ Moloyo, ka gidagi mako chikene.

Zaburi 81:11

To joga ne ok nyal winjo wachna. Adier, jo-Israel ne odagi mako chikna.

Ngeche 1:30

Ne udagi winjo wachna, bende ne ok udewo puonjna kata ka akwerou gimoro.

Ngeche 12:1

Ng’at ma ohero rieko bedo mamor ka onyise gima rach ma osetimo, to ng’at motamore ni kik rieye chalo mana le.

Ngeche 15:10

Ng’at mobaro moweyo yo makare biro yudo kum malit, kendo ng’at modagi ni ok kwer biro tho.

Ngeche 5:12

Bang’e iniwach niya, “Ang’o mane omona puonjora rieko? Koso ere gima nomiyo adagi, ni ng’ato ok nyisa gima atimo marach?

Ngeche 8:14

Achano gik moko, kendo atimogi. Bende an gi rieko, kendo ategno.

Jeremia 35:17

Omiyo an Ruoth Nyasaye Manyalo Gik Moko Duto kendo ma Nyasach Israel abiro kelo kuomu un jo-Juda gi jo-Jerusalem masiche duto mane asesiemougo, nikech ne ok unyal winja ka awuoyo kodu, bende ne ok unyal dwoka ka aluongou.”

Luka 7:30

Jo-Farisai kod jopuonj Chik to nodagi batiso mar Johana. Kamano ne gimono Nyasaye timo gima nodwaro timonigi.

Rapar mar Chik 1:45

Bang’ mano nuduogo, muywak e nyim Ruoth Nyasaye, to ne ok onyal winjo ywaku, kendo ne ok onyal dewou.

1 Samuel 8:18

Mi unuywag e ndalono nikech timbe ruodhu mane uyiero, to Ruoth Nyasaye ok nowinju e ndalono.”