Ngeche 1:22 - MUMA MALER 2015

²² Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Motingʼo Loko Manyien

²² “Nyaka karangʼo ma un joma ngʼeyogi tin nusik kuhero yoreu mag ngʼeyo matin?” Nyaka karangʼo ma jojaro pod nosik kamor, e jaro kendo joma ofuwo nosiki kochayo puonj?

Ngeche 1:22 ပူးပေါင်းရင်းမြစ်များ

Ayub 34:7

Bende usenenoe ng’at machal gi Ayubni?

Zaburi 1:1

Ng’ama ok oyie gi puonj joma richo, kendo ma ok luw timbe joricho, kata ma ok riwre gi joma ochayo Nyasaye, en jahawi.

Zaburi 94:8

Un joga, ere kaka unyalo bedo joma ofuwo momemore kamano? Unupuonjru karang’o?

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Wuok 16:28

Eka Ruoth Nyasaye nowacho ni Musa niya, “Ubiro tamoru rito chikena gi buchena nyaka karang’o?

Ngeche 1:21

Bende oluongo matek e dhoranga dala, kod kuonde duto ma ji chokoree.

Ngeche 1:29

Pile ne ok udwar rieko, kendo ne utamoru luoro Ruoth Nyasaye.

Ngeche 1:32

Ji ma ok ong’eyo gik moko tho mana nikech gidagi rieko, kendo joma ofuwo rumo nikech ok gidew gik moko.

Ngeche 1:4

Bende ginyalo miyo joma ok ong’eyo weche mang’eny bed mariek, kendo gipuonjo joma tindo ng’eyo weche mopogore opogore.

Ngeche 1:7

Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Ngeche 14:6

Ng’at ma jasunga ok nyal bedo mariek. Ng’at ma weche donjone to puonjore piyopiyo.

Ngeche 15:12

Ng’at ma jasunga ok dwar mondo okwer, omiyo ok odhi ir joma riek mondo ong’adne rieko.

Ngeche 19:29

Josunga gi joma ofuwo duto biro yudo kum.

Ngeche 21:11

Ka ng’at ma wang’e tek oyudo kum, to eka koda ka ng’at ma onge paro puonjore. Ng’at mariek to mako gik mipuonje.

Ngeche 21:24

Jasunga e nying mowinjore gi ng’ama kawore ma wang’e tek, kendo ma ok dew ji.

Ngeche 22:3

Ng’at man gi rieko neno chandruok kabiro, kendo tang’. Ng’at ma riekone tin to mwomore amwoma e chandruok, eka achien oywago ang’e.

Ngeche 3:34

Wi Ruoth Nyasaye tek ni joma wigi tek, to okecho jogo ma obolore.

Ngeche 5:12

Bang’e iniwach niya, “Ang’o mane omona puonjora rieko? Koso ere gima nomiyo adagi, ni ng’ato ok nyisa gima atimo marach?

Ngeche 6:9

Koro, in ng’at ma jasamwoyo, to ibiro budho abudha nyaka karang’o? Koso karang’o ma ibiro chung’ ia kama inindoe?

Ngeche 7:7

ne aneno yawuowi moko mapok otegno, to e kindgi ne nitie wuowi moro ma onge gi rieko kata matin.

Ngeche 8:5

Un joma pod yom, winjuru kaka onego udok motegno. Un joma ofuwo, winjuru kaka onego uyud rieko

Jeremia 13:27

Ruoth Nyasaye oseneno kaka utimo gik ma omon-go. Ulawo nyiseche manono e gode kendo e pewe, mana ka ng’at ma gombo chi wadgi, kendo ka faras ma dichwo ma lawo madhako! Un jo-Jerusalem urumo! Unuben maler karang’o?

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Kwan 14:27

“Asewinjo ka jo-Israel ng’urna. Anyalo ng’wono ni oganda marachni nyaka karang’o?

Mathayo 17:17

Yesu nowacho niya, “Yaye! Ma tieng’ maonge gi yie, kendo mobam manade! Nyaka karang’o ma onego abedie kodu? Koso anachandra kodu nyaka karang’o?”

Mathayo 23:37

“Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.

Mathayo 9:13

Dhiuru mondo upuonjru tiend gima muma wacho ni, ‘Ok adwar mondo ji otimna misango, to adwaro mana ni mondo gibed mang’won.’ Ne ok abiro mondo aluong joma kare, to abiro mana ni mondo aluong joricho.”

Luka 19:42

kowacho niya, “Yaye, mad ne bed ni ing’eyo tinendeni gima dikelni kue! To kata kamano ogeng’ore ni wang’i.

Johana 3:20

Ji duto ma timbegi richo ok dwar ler, kendo ok dwar dhi e ler, nikech ok gidwar mondo timbegi maricho ofwenyre.

2 Petro 3:3

Mokwongo nyaka ung’eni e ndalo giko, jomoko nowuog ma luwo mana gombogi giwegi. Ginicharu,

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.