Nehemia 9:34 - MUMA MALER 2015

³⁴ Ruodhiwa gi jodongwa gi jodolowa kod kwerewa ne ok orito chikni, kata dewo weche mane isiemogigo.

Motingʼo Loko Manyien

³⁴ Ruodhi magwa, jotendwa, jodolo mawa kod kwerewa ne ok oluwo chikni; ne ok gichiko itgi ne puonj magi kata siem mane imiyogi.

Nehemia 9:34 ပူးပေါင်းရင်းမြစ်များ

2 Ruodhi 17:13

Ruoth Nyasaye ne siemo jo-Israel kod jo-Juda, kooronigi jonabi gi jokor wach duto, kowachonigi niya, “Weuru yoreu maricho, mondo umak chikena gi buchena ma jonabina mane aoro onyiso kwereu.”

2 Ruodhi 17:15

Ne gichayo chikene gi singruokne mane otimo kod kweregi, kendo ne ok gidewo weche mane osiemogigo. Ne gilamo nyiseche manono, nyaka gin giwegi gidoko joma nono, nikech ne giluwo timbe mag ogendini mokiewo kodgi, mane Ruoth Nyasaye osekwerogi ni kik giluw.

2 Weche mag Ndalo 29:6

Kwerewa noweyo Ruoth Nyasaye ma Nyasachwa kane gitimo timbe maricho e nyime. Ne giweye, mi gilokone ng’egi, kendo kata mana kar dakne, ne ok gidwar neno.

Ezra 9:10

A Nyasachwa, koro dwawach ang’o kwasejwang’o chikeni, bang’ ng’wono machal kama?

Nehemia 9:30

Kuom higni mang’eny ning’wononigi, ka Roho mari siemogi gi dho jonabi magi, to ne ok ginyal winjo. Omiyo nichiwogi e lwet jopinje mamoko.

Nehemia 9:33

Isebedo ng’at makare kendo ma jaadiera kuom gik moko duto mosetimorenwa, to wan ema wasebedo kwatimo marach.

Nehemia 9:35

Kata ndalo mane ruodhigi giwegi ritogi, kane pod gichamo mwandu mogundho mane imiyogi, kendo gidak e piny malach kendo momew mane ipogonigi, ne ok gitini, bende ne ok giweyo timbegi maricho.

Jeremia 29:19

Mano biro timore nikech ne gitamore winjo wach mane asiko ka aoro jotichna ma jonabi mondo oternigi. An Ruoth Nyasaye ema awacho kamano.

Jeremia 44:17

Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Jeremia 44:4

Ne asiko ka aoronu jotichna ma jonabi mondo okweru kik utim gik makuero ma amon-gogo,

Ezekiel 5:6

To jo-Jerusalem osepiem koda, moweyo buchena kod chikena moloyo ogendini mamoko duto, nimar gisedagi chikena, mi gitamore rito.

Daniel 9:6

Wasetamore winjo jotichni ma jonabi mane owuoyo e nyingi ni ruodhiwa kendo ni jotendwa gi kwerewa kod oganda duto.

Rapar mar Chik 31:21

Ka githagore malit kendo gineno masiche malit kamano, to wendni nobednigi rapar, nimar nyikwagi nosik ka were. Kata koroni, kapok akelogi e piny ma nasingora ni namigi, ang’eyo kaka chunygi chalo.”