Nehemia 9:19 - MUMA MALER 2015

¹⁹ To kata kamano kuom ng’wononi maduong’ ne ok ijwang’ogi e thim. Siro ma bor polo nosiko ka telonigi godiechieng’, to gotieno siro mar mach nosiko ka menyonigi yo mane giwuothoe.

Motingʼo Loko Manyien

¹⁹ “Nikech ngʼwono mari mathoth ne ok ijwangʼogi e thim. Godiechiengʼ, bor polo nodhi nyime ka telonegi e yo, to gotieno mach makakni nomedo menyonegi kama giluwo.

Nehemia 9:19 ပူးပေါင်းရင်းမြစ်များ

Nehemia 9:12

Godiechieng’ nitelonigi e siro mar bor polo, to gotieno nitelonigi gi siro mar mach mondo omenynigi yo ma giwuothoe.

Nehemia 9:27

omiyo nichiwogi e lwet wasikgi mothagogi. To kane giywakni mondo ikonygi e thagruokgino, niwinjogi gie polo, mi nioronigi joma noresogi e lwet wasikgigo, nikech ng’wononi maduong’.

Nehemia 9:31

Kata kamano kuom ng’wononi mogundho ne ok itiekogi kata jwang’ogi chuth, nimar in Nyasaye mang’won gi lala kendo ma kechoo ji.

Zaburi 106:45

Ne oparo singruok mane otimonigi, mi oloko parone nikech herane maduong’,

Zaburi 136:16

Bang’e ne otelo ni joge e thim. Herane mosiko ochwere.

Wuok 40:36

E wuodh jo-Israel duto, ne ginyalo dhi e kambi moro mana ka bor polo oa e Hema Maler,

Wuok 40:38

Kamoro amora mane jo-Israel dhiye, bor polo mar Ruoth Nyasaye nosiko ewi Hema Maler godiechieng’, to gotieno mach ne liel ei bor polono, kendo jo-Israel duto ne nyalo nene.

Isaya 44:21

“Parieuru mago duto un nyikwa Jakobo. Adier, un jo-Israel, paruru ane, nimar un jotichna, omiyo kik wiu wil koda.

Ywagruok 3:22

hera mosiko mar Ruoth Nyasaye ochwere, kendo ng’wonone ok rum.

Ezekiel 20:14

“To ne ok atimo kamano, nikech mano dine oketho nyinga, nimar ogendini mamoko ne oseneno ka agolo jo-Israel e piny Misri.

Ezekiel 20:17

“To kata kamano, ne akechogi, mi ok atiekogi chuth e thim kuno.

Ezekiel 20:22

To ne ok atimo kamano, nikech mano dine oketho nyinga kuom ogendini mane oneno ka agolo jo-Israel e piny Misri.

Daniel 9:18

A Nyasaye, winjwa, kendo ng’i kuma wantie, mondo ineye thagruok ma wan go kod masira momako dala miluongo gi nyingi. Walami nikech ing’won ahinya, to ok nikech timbewa ni kare.

Daniel 9:9

In ijang’wono kendo iweyo ni ji richogi, kata obedo ni wan wasepiem kodi.

Malaki 3:6

Ruoth Nyasaye omedo wacho niya, “An Ruoth Nyasaye, kendo ok alokra. Mano emomiyo un nyikwa Jakobo pok urumo chuth.

Kwan 14:14

kendo gibiro nyiso jo-Kanaan kamano. Gin bende koro gisewinjo ni idak e dier jogi, kendo ni gineni wang’ gi wang’. Ging’’eyo bende ni bor polo mari ochung’ ewi jo-Israel, ka itelonigi e siro mar bor polo godiechieng’, to gotieno itelonigi e siro mar mach.

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

1 Samuel 12:22

Ruoth Nyasaye ok nojwang’ joge nikech dipo ka nyinge maduong’ okethore, nimar oseyierou mondo ubed joge owuon.