Nehemia 7:71 - MUMA MALER 2015

⁷¹ Jodong dhoudi moko nogolo dhahabu moromo kilo alufu achiel gi mia ariyo, mondo okonygo tich.

Motingʼo Loko Manyien

⁷¹ Jotelo mamoko mag dhoudi notero dhahabu maromo kilo mia achiel gi piero abiriyo e od keno ne tijno kod fedha moromo kilo alufu achiel gi nus.

Nehemia 7:71 ပူးပေါင်းရင်းမြစ်များ

1 Weche mag Ndalo 29:7

noyie gi chuny achiel mogolo dhahabu moromo kilo alufu mia ariyo, gi pesa moromo darik alufu apar, gi fedha kilo alufu mia ang’wen, gi mula kilo alufu mia auchiel, gi nyinyo moromo kilo tara ang’wen mondo ogergo Od Nyasaye.

Nehemia 7:70

Jodong dhoudi moko nogolo chiwo ni tich. Ruoth bende nogolo dhahabu moromo kilo mia achiel gi piero adek, gi tewni piero abich, kod lep dolo mia abich gi piero adek.

Nehemia 7:72

Joma odong’ nogolo dhahabu moromo kilo alufu ariyo gi mia auchiel gi fedha moromo kilo alufu achiel gi mia achiel kod lep dolo piero auchiel gabiriyo.

Ayub 34:19

Nyasaye ema nochueyo ng’ato ka ng’ato, omiyo ok ochwak achwaka jotelo kayiem nono, bende otimo ni joma odhier gi joma omew mana machalre.

2 Jo-Korintho 8:12

Ka uketo chunyu kuom chiwo, to Nyasaye biro yie mana gi gima uchiwo, to ok odwar mondo uchiw gima uongego.