Nehemia 6:14 - MUMA MALER 2015

¹⁴ A Nyasacha, par gima Tobia gi Sanbalat josetimo, kendo par kaka Noadia janabi madhako kod jonabi mamoko josetemo bwoga.

Motingʼo Loko Manyien

¹⁴ Par Tobia kod Sanbalat, yaye Nyasacha, kuom gima gisetimo; par bende janabi madhako miluongo ni Noadia kod jonabi mamoko mosetemo bwoga.

Nehemia 6:14 ပူးပေါင်းရင်းမြစ်များ

Nehemia 13:29

A Nyasacha, par kaka gisechido tich dolo, kendo ketho kuong’ruok ma jodolo gi jo-Lawi timo.

Nehemia 5:19

A Nyasacha, par gik moko duto masetimo ni jogi, kendo iguedha.

Zaburi 137:7

A Ruoth Nyasaye, parie gima ne jo-Edom otimo, chieng’ mane okaw Jerusalem! Adier, ne gisiko giwacho niya, “Mukeuru mondo oruombre piny!”

Zaburi 22:1

Yaye Nyasacha, Nyasacha, iweya nang’o? Aseywak malit mondo ayud kony, to ok anyal yudo.

Zaburi 63:1

A Nyasaye, in e Nyasacha, kendo agombo mondo aneni. Siso omaka kodi, kendo riyo mar ng’eyi oloya mana kaka piny motwo gombo koth.

Wuok 15:20

Miriam janabi ma nyamin Harun nokawo bul, kendo mon duto nowuok moluwo bang’e, ka goyo bul kendo miel.

Jeremia 14:15

An Ruoth Nyasaye anyisi gima abiro timo ni jonabi mane ok aorogo. Giwuoyo gi nyinga ka giwacho ni lweny kod kech ok bi mako pinyni, to adier, kech gi lweny ema abiro negogigo.

Jeremia 14:18

Ka awuok oko e pap, to aneno ringre joma onegi e lweny, to ka adonjo e dala moro, to aneno joma kech nego. Jonabi gi jodolo dhi nyime gi tijegi, to chutho ok ging’eyo gima gitimo.’ ”

Jeremia 28:1

E higano, e due mar abich mar higa mar ang’wen mar loch Zedekia ruodh Juda, Hanania janabi, ma wuod Azur ja-Gibeon, nowuoyo gi Jeremia e Hekalu kowachone e nyim jodolo kod ji,

Jeremia 28:10

Bang’ mano, Hanania nogolo jok e ng’ut Jeremia, moturo matindo tindo.

Jeremia 28:15

Bang’e Jeremia nowacho ni Hanania niya, “Koro winji, Hanania. Ruoth Nyasaye ok oori, to imiyo jogi geno mana miriambo.

Mathayo 24:11

Bende jonabi mag miriambo nowuogi, mi nomi ji mang’eny lal.

Mathayo 24:24

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Mathayo 7:15

“Beduru motang’ ni jonabi mag miriambo, mabiro iru korwakore gi lep rombe, to chutho gin mana ondiegi mangemo!

2 Timotheo 3:8

Kaka Janes gi Jambre nokedo gi Musa, e kaka joma richogo bende kedo gi adiera. Gin joma parogi okethore, kendo joma yiegi orem.

1 Johana 5:16

Ka ng’ato oneno wadgi katimo richo ma ok kel tho, to mondo olamne Nyasaye, to Nyasaye biro miyo owadgino ngima. Mano timore mana ni joma osetimo richo ma ok kel tho. To nitie richo makelo tho. Ok awachi ni mondo olem ni ng’at mosetimo richo ma kamano.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.