Nehemia 5:13 - MUMA MALER 2015

¹³ Bang’e nateng’o nangana, ka awachonigi niya, “Ng’ato ka ng’ato ma ok ochopo singruokni, to Nyasaye mondo oteng’ oko kuom joge kendo kuom mwandune, mana kaka aseteng’o nangana, modong’ nono.” Eka ji duto ma nochokore nowacho ni, “Obed kamano.” Mi ne gipako Ruoth Nyasaye. Bange ne gitimo kaka ne gisingore.

Motingʼo Loko Manyien

¹³ Bende ne atengʼo nangana mi awacho niya, “Kamano bende e kaka Nyasaye onego omaa od ngʼato angʼata motamore rito singruokni mwandune. Omiyo mad ngʼama chalo kamano tengʼe oko mi odongʼ gi lwete nono!” Kuom mano, kanyakla mar oganda nodwoko niya, “Amin,” kendo negipako Jehova Nyasaye. Kendo ji notimo mana kaka ne gisesingono.

Nehemia 5:13 ပူးပေါင်းရင်းမြစ်များ

2 Ruodhi 23:3

Eka nodhi e bath siro, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno. Mi ji duto bende notimo singruokno.

1 Weche mag Ndalo 16:36

Odend Ruoth Nyasaye ma Nyasach Israel higni gi higni. Eka ji duto nowacho niya, “Amin!” kendo ne gipako Ruoth Nyasaye.

Nehemia 8:6

Ezra nopako Ruoth Nyasaye maduong’ mi ji duto noting’o badgi malo, kawacho ni, “Obed kamano! Obed kamano!” Giduto ne gimiyo Ruoth Nyasaye duong’, ka gigoyo chonggi piny kendo gikulore nyaka e lowo.

Zaburi 119:106

Akuong’ora ni anarit chikeni makare, mana kaka ne asingora.

Zaburi 50:14

Ooyo, to erokamano ema mondo obed misango mutimona, kendo chiwuru ni Ng’ama Duong’ Moloyo gik mane usingoru.

Zaburi 76:11

Miuru Ruoth Nyasaye ma Nyasachu gima ne usingoru ni unumiye, kendo un ogendini duto modak machiegni, keluru mich ni ng’ama ji duto oluoro.

Ngeche 28:4

Joma ok oluoro chik pako joricho. Joma orito chik to kwerogi.

Eklesiastes 5:5

Ber ka ok isingori moloyo singori, to ok itimo.

Kwan 5:22

Pigni mondo odonj e iyi, kendo omi iyi okirre, kata omi ibuog nyathi ka kindeni mar nywol pok ochopo.’ Ka jadolo osemiyo dhakono okuong’ore kamano, to dhakono nodwok ni, ‘Obed kamano.’

Mathayo 10:14

To ka ng’ato ok orwakou kata otamore winjo wecheu, to teng’uru buch tiendu ka uwuok e ode kata e dalane.

Tich Joote 13:51

To jootego noteng’onigi buch tiendgi, mi owuok odhi Ikonio.

Tich Joote 18:6

To kane gidagi wachne, kendo gichako yanye, noteng’onigi lepe, kosiemogi niya, “Ka ulal, to mano nobed wachu uwegi! Anto aonge wach kanyo. Chakre kawuono adhi ir joma ok jo-Yahudi.”

1 Jo-Korintho 14:16

Ka igoyo ni Nyasaye erokamano mana gi chunyi, ka idhum gi Roho, to ere kaka ng’ato ang’ata mobet e chokruokno diwach ni, ‘Amin’, bang’ erokamano migoyono, ka ok ong’eyo tiend gima iwacho?

1 Samuel 15:28

Eka Samuel nokone niya, “Kawuono Ruoth Nyasaye oyiecho loch Israel kuomi, kendo omiyo ng’at machielo, maber moloyo.