Nehemia 3:20 - MUMA MALER 2015

²⁰ Barak wuod Zebai bende nochako gero migawo moro, chakre kama ohinga ogomogono, nyaka dhood Eliashib jadolo maduong’.

Motingʼo Loko Manyien

²⁰ Baruk wuod Zabai bende nochiwore mochako gero migawo moro chakre kama ohinga ogomogo nyaka dhood Eliashib ma jadolo maduongʼ.

Nehemia 3:20 ပူးပေါင်းရင်းမြစ်များ

Ezra 10:28

Kuom joka Bebai ne gin Jehohanan gi Hanania gi Zabai kod Athalia.

Nehemia 10:6

gi Daniel gi Ginethon gi Baruk

Nehemia 13:28

To noyudo ka achiel kuom yawuot Joyada ma wuod Eliashib jadolo maduong’ osekendo nyar Sanbalat ja-Horon. Emomiyo ne ariembe buta.

Nehemia 13:4

To kane mago pok otimore, Eliashib jadolo mane oket jarit ut keno mag Od Nyasachwa, kendo mane wat Tobia, noyudo osemiyo Tobia ot maduong’.

Nehemia 3:1

Eliashib jadolo maduong’ kod jodolo mamoko ne jochako tich, mogero Rangach miluongo ni Ranga Rombe. Ne gichungo sirni mage, mi girwako thikene. Ne gigero ohinga mochopo kama oger mabor mar ng’icho mar Hamea, kendo nyaka kama oger mabor mar ngicho mar Hananel. Eka ne giguedhe.

Nehemia 3:21

Meremoth wuod Uria ma wuod Hakoz nochako ogero migawo machielo e dir Barak. Migapeno nochakore e dhood Eliashib mochopo e giko mar od Eliashib.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Jo-Rumi 12:11

Timuru kinda maonge samuoyo, kendo keturu chunyu kuom tiyo matek ni Ruoth.