Nehemia 13:17 - MUMA MALER 2015

¹⁷ Kuom mano nadhaw gi jodong Juda, ka awachonigi niya, “Utimo gima rach manadi, kuchido chieng’ Sabato marach kama?

Motingʼo Loko Manyien

¹⁷ Ne adhawone jodong Juda mi apenjogi niya, “Ma en gima rach manade mutimo chiengʼ Sabato?

Nehemia 13:17 ပူးပေါင်းရင်းမြစ်များ

Nehemia 13:11

Kuom mano nadhaw gi jodongo, ka apenjogi niya, “Marang’o Od Nyasaye owe nono?” Bang’e naluongo jo-Lawigo, mi adwokogi e tijgi.

Nehemia 13:16

Jo-Turo bende mane odak Jerusalem ne kelo rech kod gik ohala moko mopogore opogore chieng’ Sabato, mi gihonogi ni jo-Yahudi, kata mana e Jerusalem.

Nehemia 13:25

Nadhaw kodgi, mi ayanyogi, to jomoko kuomgi nagoyo, mi apudho yie wigi. Kendo namiyo gikuong’ore e nyim Nyasaye ni ok giniyie jogo okend nyigi, kendo ni ok ginikend nyi jogo, kata kendogi ni yawuotgi.

Nehemia 5:7

To nahoyo chunya, mi aparo gima onego atim. Bang’e nadhi maloso gi joka ruoth kod jotelo moko, ka akwerogi ni gisetimo marach kuom kawo jo-Yahudi wetegi ka gik mosing ni gope.

Ngeche 28:4

Joma ok oluoro chik pako joricho. Joma orito chik to kwerogi.

Isaya 1:10

Un ruodhi mag Jerusalem, kaachiel gi jou, winjuru wach Ruoth Nyasaye. Ee, un muchalo gi jo-Sodom gi jo-Gomora, chikuru itu ni puonjne.

Jeremia 13:18

Ruoth Nyasaye nowacho ni Jeremia niya, “Dhiyo inyis ruoth gi min mare mondo joa e kombegi mag duong’ nikech osimbegi mag loch osea e wigi molwar piny.

Jeremia 5:5

Omiyo koro abiro dhi ir jotelo mondo alosgo, nimar nyaka bed ni gin ema ging’eyo yor Ruoth Nyasaye, kod gima Nyasachgi dwaro.” To kara gin bende gisedagi loch mar Ruoth Nyasaye, kendo gitamore rito chikne.

Ezekiel 20:13

To ne gipiem apiema koda, kata mana e thim, ka giketho buchena, kendo gidagi chikena, ma ka ng’ato orito, to yudo ngima. Bende ne giketho ndalo mag Sabatona chuth. Mano ema omiyo ne achano mondo atiekgi gi mirimba mager e thim kuno.

Tim jo-Lawi 19:17

Kik imak sadha gi wadu, to nyaka inyise kethone wang’ gi wang’; mano eka ok dibed jaketho.

Mika 3:1

Un jotend Israel winjuru! Donge en tichu, ng’ado bura makare?.

Mika 3:9

Winjuru, un jo-Israel mochayo timbe makare, kendo ma loko adiera bedo miriambo.