Nehemia 12:44 - MUMA MALER 2015

⁴⁴ Chieng’no noyier ji mondo orit udi mibiro kanoe chiwo gi chamb gwel gi chiwo mar achiel kuom apar, kendo mondo ochok chiwo moa e gwenge mokiewo gi mier madongo mondo opog ni jodolo gi jo-Lawi kaka chik dwaro. Jo-Yahudi duto ne mor sidang’ kuom tich jodolo gi jo-Lawi.

Motingʼo Loko Manyien

⁴⁴ E sechego ji noyier mondo orit kuonde keno mag chiwruok, olembe mokwongo kod achiel kuom apar. Ne puothe machiegni gi mier matindo, negikelo e od keno bath gigo midwaro kuom Chik ne jodolo kod jo-Lawi, nimar Juda ne mor gi puonj mar jodolo gi jo-Lawi.

Nehemia 12:44 ပူးပေါင်းရင်းမြစ်များ

1 Weche mag Ndalo 23:28

Tichgi ne en konyo joka Harun tiyo e Od Ruoth Nyasaye. Nomigi tich rito udi mag Od Nyasaye gi alworane, kendo lwoko gik lemo duto, kod tiyo tije moko duto mag Od Nyasaye.

1 Weche mag Ndalo 26:20

Jo-Lawi moko ne rito od keno mag Od Nyasaye kod kuonde mikanoe chiwo momi Ruoth Nyasaye.

1 Weche mag Ndalo 9:26

Jorit ang’wen ma jotelogo noyier nimar ne gin joma kare. Ne gin jo-Lawi, kendo ne girito udi gi kuonde keno mag Od Nyasaye.

Nehemia 10:36

Bende wayie kelo e Od Nyasachwa yawuotwa makayo mokwong nywol ni jodolo matiyo e Od Nyasachwano, kaka ondiki e chik.

Ngeche 8:34

Ng’at ma owinjo wachna, kendo ma osiko e dhoranga dalana, ka oketo wang’e e dhooda, en jahawi,

Isaya 40:31

To joma ogeno kuom Ruoth Nyasaye, tekogi noduogi. Ginihu ka ongo, mana ka gima gin gi buombegi, kendo giniringi, to ok giniol, bende giniwuothi, to tekregi ok norum.

Kwan 3:10

Harun gi yawuote ema inimi tich dolo, to ng’at ma ok jadolo motiyo tich dolo nyaka negi.”

Jo-Rumi 12:7

To ka michne en mar tiyo ni ji, to oket chunye e tijno. To ka ng’ato en japuonj, to mondo opuonj ji,

Rapar mar Chik 18:8

to nyaka oyud pok maromre kodgi, ka ok okwan mwandu monego ocham e dala wuon mare.