Nahum 3:7 - MUMA MALER 2015

⁷ Ji duto moneni nobwogi, ka wacho niya, ‘Mano kaka Nineve okethore malich!’ To kata kamano, onge ng’ama noho chunyi. Chutho ere kama diyudie ng’ama diywagi?”

Motingʼo Loko Manyien

⁷ Ji duto ma oneni biro ringi kawacho ni, ‘Nineve osepodho ere ngʼama noywage?’ Ere kama danwangʼie ngʼama nyalo hoyi?”

Nahum 3:7 ပူးပေါင်းရင်းမြစ်များ

Isaya 51:19

Masiche ariyo osemaki. Achiel en kethruok piny, to machielo en tho mar kech kod lweny. To ere ng’ama nyalo hoyi, kendo duog chunyi?

Jeremia 15:5

“Ere ng’ama biro kechou, un jo-Jerusalem? Koso ng’ama biro ywagou? En ng’a ma biro chung’ mondo omosu?

Jeremia 50:18

Emomiyo an Ruoth Nyasaye Manyalo Gik Moko Duto, ma Nyasach Israel abiro kumo ruoth Nebukadnezar.

Jeremia 51:9

Jo-pinje mamoko modak kuno nowacho niya, ‘Ne watemo konyo Babulon, to kata kamano kinde nosekadho. Koro biuru, wawuogi mondo wadog thuchewa, nimar osekum Babulon gi kum malich mochopo nyaka e polo.’

Ywagruok 2:13

Yaye Jerusalem, ere kaka daho chunyi? Ere chandruok ma dapim gi marino? Koso ang’o ma dapimgo, mondo aho chunyi, yaye Sayun? Adhondi duong’ ka nam! Ere ng’ama dithiedhi?

Nahum 1:1

Ma e fweny mane Nyasaye omiyo Nahum ja-Elkosh kuom dala mar Nineve.

Zefania 2:13

kendo norie bade kuom piny man yo nyandwat, motiek Asuria, kendo olok Nineve piny motwo mana ka piny ongoro.

Kwan 16:34

Ne giywak, mi jo-Israel duto mane ni machiegni kanyo, oringo ka kok niya, “Neyeuru kaka piny biro mwonyowa!”

Fweny 18:10

Ginichung’ gi kuma bor, ka kihondko omakogi nikech sandruok moyudo, kendo giniwach niya, “Yaye! Mano kaka dala maduong’ neno malit! Yaye! In Babulon, dala man gi teko, osetieki mana e sa achiel kende!”