Nahum 3:5 - MUMA MALER 2015

⁵ Ruoth Nyasaye Manyalo Gik Moko Duto wacho niya, “Amon kodi, kendo abiro elo lepi nyaka malo e ng’uti mondo ogendini duto one dugi, mi wiyi kuodi.

Motingʼo Loko Manyien

⁵ Jehova Nyasaye Maratego wacho niya, “An gi sigu kodu. Abiro elo lepu maum wengeu. Abiro nyiso ogendini duto dugu, kendo pinjeruodhi biro neno wichkuot maru.

Nahum 3:5 ပူးပေါင်းရင်းမြစ်များ

Jeremia 13:22

To eka upenjo gimomiyo gima kama osetimorenu, kendo gimomiyo oseyiech lepu kuomu, mi odwanyu, to ubiro yudo ni mano otimore nikech richou lich.

Jeremia 13:26

Ruoth Nyasaye owuon ema noyiech lepu kuomu, mi dugu nonen.

Jeremia 50:31

“In Babulon isungori ahinya, omiyo an Ruoth Nyasaye Manyalo Gik Moko Duto amon kodi, kendo kinde koro osechopo ma akumie.

Ezekiel 16:37

Mano omiyo abiro choko osiepeni duto, mane ihero kod mane ok ihero, kanyakla. Abiro kelogi duto iri mondo gilwori ka giketi diere, mi olony lepi mondo gine dugi.

Ezekiel 21:3

kinyiso jopinyno ni Ruoth Nyasaye owacho kama: Amon kodu, omiyo abiro wuodho liganglana mondo anegugo duto, mi joma kare gi joma timbegi mono notho machalre.

Ezekiel 23:25

Kaka mirima mager omaka kodi, abiro weyo gitimi kaka gin ema gihero ka gikecho kodi. Gining’ad umi kod iti, kendo ginineg nyithindi. Adier, ginimayi yawuoti gi nyigi, mi giwang’gi ka gingima.

Ezekiel 23:29

kendo kaka gin bende gimon kodi, gibiro kawo gimoro amora ma ingo, mi gilonyi duk. Inidong’ e lela, mi nong’ere ratiro ni in dhako ma jachode. Mago e gik ma gombo ma in go kod timbe chode

Ezekiel 26:3

“To koro an Ruoth Nyasaye awacho kama: Amon kodi, in dala mar Turo! Omiyo abiro kelo ogendini mang’eny mondo omonji, kendo gibiro chalo mana apaka mag nam.

Mika 1:11

Jo-Shafir idaro kitero e tuech duge, ka wigi okuot. To joma odak Zaanan ok nyal wuok ka ngima. Ka uwinjo jo-Bethezel ka ywak, to unung’e ni ng’ato ok nyal kuo kuno.

Nahum 2:13

Ruoth Nyasaye wacho niya, “Asedoko mamon kodi, kendo abiro wang’o gecheni mag lweny! Nyithindi duto biro tho e lweny, kendo gik moko duto mane iyako nomayi. Bende dwond jotendi mioro ok nowinji.”

Habakuk 2:16

To un bende duong’ ma un go biro lokore wichkuot, nikech ubiro madho kikombe ma mirimb Nyasaye opong’o mi ukwang’. Ee, Nyasaye biro kumou malit mi unubed gi wichkuot marach kar duong’ mane un-go.