Nahum 3:4 - MUMA MALER 2015

⁴ Mago duto otimore nikech timbeni modwanyore. Ne in dala ma jaber, to ipong’ gi timbe mag juok. Ne indhogo ogendini gi timbeni mag juok gi mag dwanyruokgo.

Motingʼo Loko Manyien

⁴ Magi duto timore nikech gombo mandhaga mar ochot, maywayo ji ire, en e chot ma jo-nyakalondo dhi ire, en ema ne oketo ogendini misumbinine kuom timbene mag chode kendo oywayo ji kuome gi timbene mag jwok.

Nahum 3:4 ပူးပေါင်းရင်းမြစ်များ

Isaya 47:8

Emomiyo koro winj wachni, in dala machalo nyako mohero ngima mamalo, kendo obet e kom loch ka ok dew gimoro, to wacho e chunye niya, “An kenda ema antie. Onge ng’at moro machielo marom koda. Ok nachal gi chi liel, kendo nyithinda ok notho ngang’.”

Isaya 47:9

To kata obedo ni iparo kamano, to piyopiyo nono gik moko ariyogo notimreni riat odiechieng’ achiel, mi inidong’ chi liel, kendo nyithindi bende notho. Mago duto notimreni, ma kata yiendi mang’enygo ok nokonyi.

Ezekiel 16:35

“Koro in dhako ma jachode, winji gima an Ruoth Nyasaye awacho.

Fweny 18:23

Ler mar taya ok nochak orieny kuomi, kata dwond wuon kisera gi dwond miaha ok nowinji kuomi kendo ng’ang’. Joohala magi ne gin joohala madongo e piny, bende ne iwuondo ogendini duto gi timbeni mag jwok.”

Fweny 18:9

To ruodhi mag piny moseterore kode, kendo mosedak kode e ngimane mamalo noywage kasedo kod nyinge, kaneno ich mach mawang’e kadhuolore.