Nahum 3:17 - MUMA MALER 2015

¹⁷ kendo jodongu kod jotendu chokore kaachiel mana ka dede mopoto e chiel ka koyo ng’ich. To giduto gibiro ringo mi gilal nono mana ka det bonyo ma ringo ka chieng oowo piny, kendo onge ng’ama ong’eyo kuma gidhiye.

Motingʼo Loko Manyien

¹⁷ Joritou chalo det bonyo, jotendu to chalo gi det bonyo mochokore mathoth kabiro, kendo piyo e kor ot ka piny ngʼich, to ka chiengʼ owuok to gihuyo gidhi kuma mabor maonge ngʼama ongʼeyo.

Nahum 3:17 ပူးပေါင်းရင်းမြစ်များ

Jeremia 51:27

“Chunguru bandech lweny! Gouru tung’ mondo ogendini owinji, kendo giikre monjo Babulon! Luonguru jopinje mag Ararat gi mag Mini kod mag Ashkenaz mondo obi ochak lweny, kendo yieruru ng’ato obed jatendgi. Keluru farese mang’eny ka bonyo.

Ezekiel 31:12

Jopinje mamoko mager biro tong’e oko, mi wite kucha. Bedene motur biro lwar e gode duto kod holni manie piny. Bende ogendini duto ma osebedo kodak e tipone biro dar.

Nahum 2:9

Mwandu mag fedha gi dhahabu oyaki, kendo nenore ni ging’eny ma ok rum. Gin mwandu mabeyoe moloyo ma chuny ng’ato nyalo gombo.

Fweny 9:7

Bonyogo ne chalo gi farese moikore ni lweny. E wigi ne nitie gik machalo gi osimbo mag dhahabu. Wang’gi to ne chalo gi wang’ dhano.