Nahum 2:8 - MUMA MALER 2015

⁸ Nineve koro chalo gi yawo ma pige dwono, nikech jolwenje duto ringo weye. Okoknigi kowacho ni, “Chung’uru!” To onge ng’ama duogo.

Motingʼo Loko Manyien

⁸ Nineve chalo dago, kendo pige mol kadhi. Giywak kagiwacho niya, “Chungʼ! Chungʼ!” to onge ngʼama lokore duogo.

Nahum 2:8 ပူးပေါင်းရင်းမြစ်များ

Chakruok 10:11

Nodar kuno, modhi e piny Ashur, kuma nogeroe Nineve gi Rehobothir gi Kala

Isaya 13:14

Bang’ mano, ng’ato ka ng’ato nodog thurgi ir joodgi, mana ka le ma jodwar lawo, kata ka rombe moke ma onge ng’ama chiko.

Isaya 38:14

omiyo aywak mana ka opija kata akuru, kendo wengena otho bo kuom rango malo. A Ruoth Nyasaye, winj ywakna mondo ibed jawarna.

Isaya 47:13

Isechandori gi jogi mang’adoni rieko kuom ndalo mang’eny, to koro we jokor wach ma rango polo gi sulue, kendo manyisi gik mabiro timore due ka duego, otim ane chir mondo oresi, ka ginyalo!

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 59:11

Wang’ur mana ka ondiegi, kendo waywagore malit mana ka tula. Wageno yudo adiera, to ok wayudi. Warito resruok to pod en mabor ahinya.

Jeremia 46:5

To Ruoth Nyasaye penjo niya, “Koro ang’o ma aneno ka timoreni? Gigore nyang’eng’o. Thuondi oselo, omiyo luoro ohewogi, kendo giringo matek ma ok gigo machiemo.

Jeremia 47:3

Giniwinj tiend farese ka diko, gi geche maringo, kod tiend geche ka mutni. Wuone nyithindo ok nodog chien mondo oom nyithindgi, to ginibed maluor maonge gi teko,

Jeremia 50:16

Neggiuru mondo chuoyo gi keyo kik bedie. Jopinje mamoko modak kanyo biro dok thuchegi, nikech lweny ger.

Jeremia 51:13

Babulon en dala man gi aore mang’eny, kendo en gi mwandu mogundho, to kata kamano oserumo, kendo tond ngimane osechot.

Jeremia 51:30

Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Nahum 1:1

Ma e fweny mane Nyasaye omiyo Nahum ja-Elkosh kuom dala mar Nineve.

Nahum 3:17

kendo jodongu kod jotendu chokore kaachiel mana ka dede mopoto e chiel ka koyo ng’ich. To giduto gibiro ringo mi gilal nono mana ka det bonyo ma ringo ka chieng oowo piny, kendo onge ng’ama ong’eyo kuma gidhiye.

Fweny 17:1

Eka achiel kuom malaika abiriyo man gi tewni abiriyo nobiro ira, mi owachona niya, “Bi mondo anyisi bura mong’adi ni jachode maduong’, ma en dala maduong’ moger e wi pige mang’eny!

Fweny 17:15

Eka malaikano nowachona niya, “Pige mane ineno kama dhako ma jachodeno obetie, gin mana ji gi ogendini gi dhoudi kod joma wacho dhok mopogore opogore.