Nahum 2:4 - MUMA MALER 2015

⁴ Giringo ka gimwomore e alap mar dala, ka moro ka moro tuomore gi wadgi. Gichalo gi meny ma ng’angni kendo gimil e dir dala mana ka polo.

Motingʼo Loko Manyien

⁴ Geche powore e yore mag dala, ka giringo koni gi koni e tunge mag dala. Gichalo gi rameny maliel mager, ka gipiachore ka mil polo.

Nahum 2:4 ပူးပေါင်းရင်းမြစ်များ

Ngeche 31:21

Ok odew kata ka koyo ng’ich, nikech joode nigi lewni maliet ma girwako.

Isaya 37:24

Isejaro Ruoth Nyasaye gi dho jooteni, kiwacho niya, ‘Aseidho gode maboyo mag Lebanon, mi achopo midimidi, ka an gi gechena mag lweny mang’eny mokadho akwana. Bende asetong’o yiend sida madongo, kod yiend saipras mabeyo man kuno. Asechopo nyaka e chuny bungu, kama ni iye mogik, kendo ma yien odichie.

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Jeremia 4:13

Neuru, wasigu biro mogingore ka boche polo. Gechegi mag lweny chalo gi kalausi, kendo faresegi ringo matek moloyo ongo. Yaye! Warumo!

Jeremia 46:9

“Chikuru farese mondo odhi, kendo geche mag lweny ochak ng’wech! Raduru gi wasigu un thuondi mag Ethiopia gi mag Put moting’o okumbni, kod un jo asere molony moa e piny Lud.

Ezekiel 23:24

Gibiro monji gi yo nyandwat ka gin gi oganda lweny maduong’ kod geche lweny gi geche mamoko. Gin gi kuodi gi okumbni kod ogut lweny, kendo gibiro lwori mi giketi diere. Abiro chiwi e lwetgi, kendo gining’adni bura, kaluwore gi chikgi giwegi.

Ezekiel 26:10

Rumbi mar buru ma faresegi odhuolo noimi, kendo koko mar farese maywayo gechegi mag lweny noyieng ohingani, ka gikadho e dhorangayi mokethore.

Ezekiel 26:7

“An Ruoth Nyasaye awacho kama: Abiro kelo Nebukadnezar ruodh Babulon ma ruoth maduong’ie moloyo ruodhi duto mondo omonji, in Turo. Enobi kowuok yo nyandwat gi oganda lweny maduong’ kod farese gi geche lweny, kaachiel gi joidh farese.

Daniel 11:40

“E kinde ma loch ruodh Siria chiegni rumo, ruodh Misri biro monje, mi ked kode gi tekone duto, kokonyore gi geche lweny gi joidh farese kod mende mang’eny, mi omwom mana ka aora ma mwomo genge.