Nahum 2:3 - MUMA MALER 2015

³ Jolwenjgi oserwakore gi nengni makwar, kendo kuodigi kwar ka remo. Gechegi mag lweny oriedo, kendo rieny mana ka wang’chieng’!

Motingʼo Loko Manyien

³ Okumba mag jolweny osebedo makwar ka remo; kendo lewni ma girwakorego bende kwar. Chuma manie ewi gechegi mil ka giikore ne chiengʼ lweny; tongegi opiag mabith kendo milni ka gikedogo.

Nahum 2:3 ပူးပေါင်းရင်းမြစ်များ

Ayub 39:23

Gilweny ma jaithne oting’o twomore kendo mil e chieng’,

Zaburi 80:13

Mbithe bende kethe, kendo le maa e thim chame.

Isaya 14:8

Yiend saipras gi yiend sida mag Lebanon bende mor, kendo giwacho niya, ‘Kaka osetieki, koro onge ng’at ma biro tong’owa.’

Ezekiel 23:24

Gibiro monji gi yo nyandwat ka gin gi oganda lweny maduong’ kod geche lweny gi geche mamoko. Gin gi kuodi gi okumbni kod ogut lweny, kendo gibiro lwori mi giketi diere. Abiro chiwi e lwetgi, kendo gining’adni bura, kaluwore gi chikgi giwegi.

Ezekiel 26:7

“An Ruoth Nyasaye awacho kama: Abiro kelo Nebukadnezar ruodh Babulon ma ruoth maduong’ie moloyo ruodhi duto mondo omonji, in Turo. Enobi kowuok yo nyandwat gi oganda lweny maduong’ kod farese gi geche lweny, kaachiel gi joidh farese.

Nahum 3:2

Winjie kaka del michwadogo farese ywak, kendo kaka geche mag lweny ringo matek ka tiendegi wuo! Tiend faras diko piny matek, kendo geche lweny chikore ka mwomore.

Zekaria 1:8

Nende aneno fweny gotieno ni ng’ato oidho faras masilwal, kochung’ e kind yien e holo moro. To kadieng’eye ne nitie farese ma silwende gi marabuore kod marachere.

Zekaria 11:2

Ywaguru un yien duto, nimar yiend sida osepodho. Adier, yien madongo osekethi. Un yiend Bashan, ywaguru, nimar bungu ma yien odichie osebeti.

Zekaria 6:2

Gari mokwongo ne nigi farese ma silwende, to mar ariyo ne nigi maratenge.

Fweny 12:3

Eka ranyisi machielo bende ne onenore e polo. Ne en thuol mang’ongo, makwar kendo malich, man gi wiye abiriyo kod tunge apar, kendo ma osimbo abiriyo osidhi e wiyego.

Fweny 6:4

Eka faras machielo ma silwal nowuok. To ng’at moidhe nomi teko mar kelo lweny e piny, mondo ji onegre, kendo ne omiye ligangla maduong’!