Nahum 2:10 - MUMA MALER 2015

¹⁰ Mago duto oyaki motieki, ma onge gima odong’. Kibaji goyo joge, kendo chongegi tuomore ka gitetni, kendo wengegi olokore makwar haa!

Motingʼo Loko Manyien

¹⁰ Odongʼ nono, omaye gik moko duto, bende olonye modongʼ duk. Kibaji ogoyo chunygi, bende chongegi onyosere, kendo dendgi tetni ka ngʼato ka ngʼato wangʼe ojowore.

Nahum 2:10 ပူးပေါင်းရင်းမြစ်များ

Chakruok 1:2

Piny ne onge kido, kendo gimoro ne onge e iye. Mudho mandiwa noimo ataro mang’ongo, kendo Roho mar Nyasaye ne wuotho ewi ataro.

Zaburi 22:14

Tekra orumo ka bend dak. Chokena duto orokni, kendo chunya leny mana ka odok.

Isaya 14:23

Abiro loko Babulon siany, kendo time kama chiewo ema dakie. Anakethe chuth mana ka gima oywe gi yuech.” Mago e weche mar Ruoth Nyasaye Manyalo Gik Moko Duto.

Isaya 21:3

Kane aneno fwenyno ne apuodora ka rem rama malit, mana ka dhako ma muoch kayo. Gik mane aneno kendo awinjo ne ogoya gi kibaji, mi adhier nono.

Isaya 24:1

Winjuru! Ruoth Nyasaye biro teng’o piny, mi dong’ nono. Obiro bare, mi oloke ataro, kendo oke joma odakie.

Jeremia 30:6

Koro ling’uru mondo upar ane. Bende dichwo dinywol nyathi? Ere gima omiyo ji duto kirni?

Jeremia 49:23

Ruoth Nyasaye nowuoyo kuom jo-Damaski niya, “Joma odak Hamath gi Arpad luoro omako, kendo chunygi chandore nikech gisewinjo wach marach. Chunygi ling’ore mana ka apaka mar Nam Makwar, kendo ok ginyal yudo yueyo.

Jeremia 51:62

Bang’e ilem kama: ‘A Ruoth Nyasaye, isewacho ni ibiro ketho dalani, maonge gima ngima kaka dhano kata le, ma nodagie, kendo ni obiro dong’ nono nyaka chieng’.’

Jeremia 8:21

Chunya lit, nikech itimo ni joga malit. Aywak kendo akuyo marach.

Ezekiel 21:7

To ka gipenji gima omiyo ichur, to nyisgi ni ichur nikech gima biro timore. Bende nyisgi ni e kindeno, kihondko nomakgi, kendo bedegi nowengni, mi chir ma gin go lal nono, kendo chongegi tetni. Kindeno osechopo, kendo gigo biro timore. An Ruoth Nyasaye ema awacho kamano.”

Ezekiel 31:15

Ruoth Nyasaye wacho kama: Chieng’ ma yadhno dhiyo e Piny Joma Otho, anami pi manie bwo lowo ime, kendo ywage. Anageng’ aore mondo kik mol, kendo anakel mudho e got Lebanon mana nikech en, mi ami yien duto mae bungu two.

Daniel 5:6

ne obedo maluor, mi chunye ochandore, kendo dende ojuol ka chongene tetni.

Joel 2:6

Ka gibiro, to ng’ato ka ng’ato kirni, kendo wenge ji lokore mamarmar.

Nahum 3:7

Ji duto moneni nobwogi, ka wacho niya, ‘Mano kaka Nineve okethore malich!’ To kata kamano, onge ng’ama noho chunyi. Chutho ere kama diyudie ng’ama diywagi?”

Zefania 3:6

Ruoth Nyasaye wacho kama: “Aseyweyo ogendini ka yuech, kendo ohingni ma gigeng’orego okethore chuth. Asemiyo wang’yoregi olokore thim ma onge ng’ama luwo. Miechgi bende okethore, kendo odong’ nono ma onge joma odakie.

Joshua 2:11

Kane wawinjo wachno, ne wadoko maluor. Birou bende osekawo chunywa duto, nimar Ruoth Nyasaye ma Nyasachu en Nyasach polo gi piny.

Joshua 7:5

kendo nonego ji alufu piero adek gauchiel kuomgi. Jo-Ai nolawogi chakre rangagi nyaka Shebarim, monegogi kama yo ridoree. Gikanyono chir mane jo-Israel nigo nolalnigi ka yamo.