Nahum 2:1 - MUMA MALER 2015

^1-2 Un jo-Israel ma nyikwa Jakobo, Ruoth Nyasaye biro dwokonu duong’ ma yande un go, kata obedo ni joma monjou oseyakou, mi okawo olemb mzabipu. Un jo-Nineve, oganda lweny mag wasiku ma ketho gik moko oselworou moketou diere. Ranguru yo, kendo jiwreuru gi tekou duto!

Motingʼo Loko Manyien

¹ Ngʼat mabiro monji ochomi, yaye Nineve, omiyo rit dala mochiel motegno, rit yoreni, bed gi ikruok maber, kuom tekoni duto!

Nahum 2:1 ပူးပေါင်းရင်းမြစ်များ

2 Weche mag Ndalo 25:8

To kiparo ni mano e kaka inyalo loyo lweny, to Nyasaye biro mana miyo wasiki loyi, nimar en ema en gi teko mar konyo kata mar wito.”

Zaburi 50:14

Ooyo, to erokamano ema mondo obed misango mutimona, kendo chiwuru ni Ng’ama Duong’ Moloyo gik mane usingoru.

Zaburi 65:2

nikech in e Nyasaye mawinjo lemo mag ji. Ji duto biro biro iri nikech richogi.

Isaya 14:6

In ruodh Babulon, ne isando ogendini pile gi gero, kigoyogi, kendo kinyonogi piny gi mirima maonge yueyo.

Isaya 29:7

Ogendini mang’eny ma goyoni ageng’a kendo kedo kodi, nolal nono mana ka lek mar otieno, yaye Jerusalem.

Isaya 29:8

Ginichal gi ng’at modenyo ma leko ni chiemo, to chiew, yudo ni onge gima ochamo, kata ka ng’at ma riyo oloyo, ma leko ni modho, to chiew, yudo ni onge pi mosemodho. Mano e kaka ogendini makedo gi got Sayun nochal.”

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 50:23

Babulon ne chalo gi nyundo mane ogoyo piny ngima, to koro nyundono otur matindotindo. Jopinje duto obwok kuom gima osetimorene.